KALAPPASSANG 14:22 - KITTA' MATANGKASA'

²² Ta'bage ruami je'neka, siagang ri wattunna a'limbang tu Israel ri anjo tamparanga, a'jappami ke'nanga ri butta kalotoroka, nampa anjo je'ne' niaka ri sa'ri kananna siagang kairinna rapangi tembo' ammenteng nai'.

KALAPPASSANG 14:22 ပူးပေါင်းရင်းမြစ်များ

2 KARAENG-KARAENG 2:14

nampa napatunrung anjo jubana Elia ri tompo'na je'neka nanakana, “Kemae Batara, anjo Allata'alana Elia?” Le'baki napatunrung anjo jubaya ri tompo'na je'neka, ta'bage ruami anjo je'neka nampa a'jappa anta'leang.

2 KARAENG-KARAENG 2:8

Nala'gasimi jubana Elia, nampa nagulung siagang napatunrung ri tompo'na je'neka ri anjo binangaya. Nata'bage ruamo anjo je'neka, sa'genna akkullemo Elia siagang Elisa a'jappa ri dapara'na kalotoroka anjo binangaya.

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

PAMMUJI 106:9

Lanri parentaNa na'jari kalotoro' Tamparang Alara', Ia angngerangi umma'Na a'jappa numalo ri tamparang, sanrapang numalo ri parang lompoa.

PAMMUJI 136:13

Tamparang Alara' Nabage ruai; pangngamaseanNa sa'genna satunggu-tungguna;

PAMMUJI 136:14

Israel umma'Na, Napalimbangi anta'le; pangngamaseanNa sa'genna satunggu-tungguna.

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

PAMMUJI 78:13

Nabage ruai tamparanga, nampa napalimbang ke'nanga; napaentengi je'neka sangkamma tembo' pammantangngang je'ne'.

KALAPPASSANG 14:29

Mingka ri wattunna a'limbang tamparang tu Israelka, a'jappai ke'nanga lalang ri butta kalotoro'na tamparanga, siagang je'ne' niaka ri kananna siagang ri kairinna a'jari kammai tembo' nai'.

KALAPPASSANG 15:19

Ri wattunna a'limbang ri tamparanga tu Israel, a'jappai ke'nanga ri dapara' kalotoro'na tamparanga. Mingka sikamma karetana tu Mesir siagang jaranna kammayatompa tuma'baena, ri wattunna antama' ngaseng ke'nanga ri je'neka, Napa'lo'loro'mi Batara ammotere' anjo je'neka assialle ammotere' sa'genna tallang ngaseng ke'nanga.

KALAPPASSANG 15:8

Kituiki tamparanga, ta'gulung tinggi je'neka, ammenteng kassa' rapang tembo', sa'genna akkulle niolo dapara'na tamparanga.

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

YESAYA 43:16

Le'baki appare' Batara se're oloang a'limbang tamparang, allalo ri je'ne' a'gamarrunga.

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?

YESAYA 63:13

Kemae Batara anrenrengai ke'nanga a'jappa ilalang ri je'ne' lantanga? Rapang jarang allalo ri parang lompoa, tena le'bakai tatto'ro ke'nanga.”

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

PAMMILANGNGANG 33:8

Nampa nabokoi ke'nanga Pi-Hahirot, a'limbang tamparang siagang antama' ri parang lompo Etam; ri tallungallonamo pa'jappang, akkemami ke'nanga ri Mara.

1 KORINTUS 10:1

Sikamma sari'battangku! Parallui nuu'rangi apa le'baka kajariang ri boe-boeta ri wattunna amminawang ke'nanga ri Musa. Nila'langi ke'nanga siagang rammang, siagang nipasalamaki ke'nanga a'limbang ri Tamparang Ejaya.

IBRANI 11:29

Lanri tappa'na, nakkullemo tu Israelka a'limbang ri Tamparang Ejaya, sangkamma le'ba' angkana irateji ri butta kalotoroka a'jappa ke'nanga. Naia tu Mesirka nia'lu'mi ri anjo tamparanga, ri wattunna nacoba todong ke'nanga a'limbang.

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

YOSUA 4:22

pauangi ke'nanga angkanaya a'limbangi umma' Israel ri anne Binanga Yordan irate ri butta kalotoroka.

1 SAMUEL 25:16

Allo bangngi ke'nanga anjagai ikambe baku'na ikambe akkalawaki bembe siagang gimbala' ri ampi'na ke'nanga.