KALAPPASSANG 14:16 - KITTA' MATANGKASA'

¹⁶ Angkaki takkannu nanupajonjo ri tompo'na tamparanga. Na lata'bage rua anjo je'neka sa'genna akkulle a'limbang tu Israel, a'jappa irawa ri dapara'na tamparanga, ia kalotoroka.

KALAPPASSANG 14:16 ပူးပေါင်းရင်းမြစ်များ

2 KARAENG-KARAENG 4:29

Assailemi Elisa mae ri Gehazi nampa nakana, “Lintakko! Allei takkangku nampa a'lampa memangko mange ri balla'na anne bainea. Teako ammantangngi untu' a'barisallang manna pole ri nai nusibuntulang ri aganga. Punna a'barisallang ri kau, teako pela'-pelakki wattunnu untu' ambalasaki bari sallanna. Punna battuko, lintakko padongkoki takkangku ri kalenna anjo anaka.”

KALAPPASSANG 14:15

Nakana Batara ri Musa, “Angngapa nummarrang appala' tulung? Suroi anjo tu Israel a'jappa tulusu'!

KALAPPASSANG 14:26

Nakana Batara ri Musa, “Pajonjoi limannu ri tompo'na tamparanga, sollanna ammotere' je'neka, na natallangngang tu Mesirka, sikamma karetana siagang sikamma tau niaka irate ri anjo karetaya.”

KALAPPASSANG 17:5

Nakanamo Batara ri Musa, “Kioki siapa are pamimpinga siagang a'jappa mako siagang ke'nanga, a'jappa riolo ri dallekanna anjo bansaya. Erang tongi takkannu le'baka nupake untu' antunrungi Binanga Nil.

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

KALAPPASSANG 4:17

Erangi anjo takkanga, saba' lanupakei anjo untu' anggaukangi anjo sikamma gau' malompoa.”

KALAPPASSANG 4:2

Akkuta'nammi Batara ri Musa angkana, “Apa antu ri limannu?” Appialimi Musa angkana, “Takkang”.

KALAPPASSANG 4:20

Jari nakio' tommi Musa bainenna siagang sikamma ana'-ana'na, nampa napanai' ri keledaia nampa a'lampa ke'nanga mange ri Mesir. Lanri parentaNa Batara, naerang tongi Musa anjo takkanna.

KALAPPASSANG 7:19

Nakana Batara ri Musa, “Suroi Harun angngallei takkanna nampa nupajonjo mae ri tompo'na sikontu binangaya, sikamma solonganga siagang sikamma kollanga ri Mesir. La'jari ceraki je'ne'na, siagang lania' cera' ri sikontu pa'rasanganga, ba'lalo manna lalang ri sikamma dorong kayua siagang sikamma katoang batua.”

KALAPPASSANG 7:9

“Punna nasuroko karaenga appa'nia' gau' malompo untu' a'jari butti, suroi Harun angngallei takkanna nampa nabuang naung ri buttaya ri dallekanna karaenga. Latappinrai anjo takkanga a'jari ulara'.”

YESAYA 10:26

INakke, Batara Kaminang Makoasaya, lancamboki ke'nanga siagang cambo', kamma le'ba'na Kupangngajari tu Midian ri bulu' batu Oreb. LaKuhukkungi Asyur, sangkamma le'ba'na Kuhukkung Mesir.

HABAKUK 3:8

O Batara, maka lanri tamparang kutadeng na nai' larroTa? Maka binanga-binangaya ampakanassuKi'? Kibaei rammanga a'jari jarang siagang kareta bundu', ri wattu Kisarena pammetang ummatTa.

PAMMILANGNGANG 20:11

Nampa naangka' Musa anjo takkanga na natunrung pinruang anjo bulu' batua. Jari assolong sarrimmi je'neka battu ri anjo batua, sa'genna akkulle ngasemmo angnginung taua siagang olo'-oloka.

YOSUA 8:18

Nampa Nakanamo Batara ri Yosua, “Angkaki pokenu siagang pa'dalle' mangei matanna ri kota Ai; kamma-kamma anne Kupassareangi anjo kotaya mae ri kau.” Nagaukammi Yosua anjo apa Naparentakanga Batara.