KALAPPASSANG 14:15 - KITTA' MATANGKASA'

¹⁵ Nakana Batara ri Musa, “Angngapa nummarrang appala' tulung? Suroi anjo tu Israel a'jappa tulusu'!

KALAPPASSANG 14:15 ပူးပေါင်းရင်းမြစ်များ

2 KARAENG-KARAENG 17:36

Pakala'birikKa', iNakke Batara, le'baka angngerangko assulu' battu ri Mesir lalang koasa malompoKu; anynyombako ri Nakke siagang angngerangko passare mae ri Nakke.

2 KARAENG-KARAENG 17:7

Tu'guruki Samaria lanri dorakai tu Israel mae ri Batara, Allata'alana ke'nanga, ia le'baka ampasalamaki ke'nanga battu ri kakoasanna karaeng Mesir, siagang angngerangai ke'nanga assulu' battu ri anjo pa'rasanganga. Anynyombai ke'nanga ri rewata-rewata maraengannaya,

2 KARAENG-KARAENG 20:11

Appala' doammi Yesaya mae ri Batara, nampa Napaunduru' Batara 10 garisi' anjo pa'jo'jo' orolojia.

NEHEMIA 9:9

Kiciniki pa'risi'na boena ikambe ri wattu allaloa; Kipilangngeri karru'na ri Mesir siagang ri Tamparang Teberau.

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

KALAPPASSANG 14:16

Angkaki takkannu nanupajonjo ri tompo'na tamparanga. Na lata'bage rua anjo je'neka sa'genna akkulle a'limbang tu Israel, a'jappa irawa ri dapara'na tamparanga, ia kalotoroka.

KALAPPASSANG 17:4

Jari akkio'mi Musa mae ri Batara, angkana, “Apa musti kugaukang mae ri anne taua? Ciniki, eroki ke'nanga ansambila' batu.”

YOSUA 7:10

Appialimi Batara ri Yosua angkana, “Ambangungko nai'! Tena matu-matunnu su'ju' kamma antu ri buttaya!