KALAPPASSANG 13:21 - KITTA' MATANGKASA'

²¹ Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

KALAPPASSANG 13:21 ပူးပေါင်းရင်းမြစ်များ

NEHEMIA 9:12

Kipimping ke'nanga siagang allung ri wattu singara' alloa. Ri wattunna bangngi Kisingari oloanna siagang benteng pepe'.

NEHEMIA 9:19

Mingka manna ri paranga taKibokoiai ke'nanga, lanri sukkutTa ri pangngamaseang. TaKipalesangngai ammotere' benteng allung siagang pepe', angngului ri jappana ke'nanga allo bangngi.

PAMMUJI 105:39

Naka'rangi Batara rammanga untu' alla'langi umma'Na, siagang pepe' untu' ansingari ke'nanga ri wattu bangngi.

PAMMUJI 68:7

Allata'ala assarei tampa' pammantangngang tau akkale-kalea; nalappassangi tau nitahanga sa'genna mate'ne ke'nanga. Mingka tu mangngewaya mae ri Batara musti ammantangi ri butta rosoka.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

PAMMUJI 78:14

Naului ke'nanga siagang rammang ri wattu allo nampa nasare singara' pepe' sila'busu' bangngi.

PAMMUJI 99:7

Battu ri benteng rammanga Na'bicara mae ri ke'nanga, mannuruki ke'nanga ri sikontu hukkunTa siagang parentaTa.

KALAPPASSANG 10:10

Nakanamo karaenga, “Assumpa' mae ri Batara, angkana ma'nassa tena nakukellaiko angngerangi tubai'-bainea siagang ana'-ana'nu. Ma'nassa singara'mi mae ri nakke angkanaya kodi ateka'nu.

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

PAMMILANGNGANG 10:34

Punna a'lampa ke'nanga battu ri pakkemaanga, tuli nia'na rammanNa Batara irateanna ke'nanga punna allo.

PAMMILANGNGANG 14:14

siagang lanacaritai ke'nanga mae ri sikamma tau niaka anrinni angkanaya iKatte, Batara, anrurungangi ikambe. Le'ba' tommi nalangngere' ke'nanga angkanaya Kipappicinikangi KalenTa mae ri kambe ri wattunTa a'jappa ri dallekanna ikambe lalang ri benteng rammanga punna allo, siagang lalang ri benteng pepeka punna bangngi.

PAOLE 1:33

Ia niaka a'jappa ri dallekannu ampa'boyangko tampa' untu' akkema. Ia anjo'jokangko oloang punna bangngi lalang rupa benteng pepe', siagang a'rupa benteng rammang punna allo.”

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”