KALAPPASSANG 13:18 - KITTA' MATANGKASA'

¹⁸ Lanri kammana anjo Naerammi Allata'ala ke'nanga allalo ri oloang akkaluka ri parang lompoa mange ri Tamparang Alara'. Ri wattunna nabokoi Mesir, sikamma tu bura'ne Israel angngerangi sanjata kamma tau la'bunduka.

KALAPPASSANG 13:18 ပူးပေါင်းရင်းမြစ်များ

PA'JARIANG 50:25

Nampa nasuromo Yusuf sikamma bija pammanakanna assumpa angkana, “A'janji mako ri nakke, angkanaya punna Napimpingko Allata'ala mange ri anjo pa'rasanganga, lanuerang tongi mayakku.”

PAMMUJI 107:7

Naului ke'nanga ri oloang lambusuka mange ri tampa' pammantangnganga ri kotaya.

PAMMUJI 136:16

Napimpingi umma'Na allalo ri parang lompoa; pangngamaseanNa sa'genna satunggu-tungguna.

PAMMUJI 68:8

O, Allata'ala, ri wattunna Kiulu ummatTa a'jappa allaloi parang kalotoroka,

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 14:2

“Suroi tu Israel ammotere' nampa appare' kema ri dallekanna kota Pi-Hahirot, ri alla'na kota Migdol siagang Tamparang Alara', ri ampi'na kota Baal-Zefon.

KALAPPASSANG 14:9

Amminawammi tantara Mesir siagang sikontu jaranna, kareta bunduka siagang taunna, mange angngondangi tu Israel; napinawammi ke'nanga mange ri tampa' pakkemaanna ke'nanga ri biring tamparang ri ampi'na Pi-Hahirot.

PAOLE 17:16

Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.

YOSUA 1:14

Sikontu ana'nu, bainennu, siagang olo'-olo'nu akkullei ammantang anrinni, mingka sikontu tantaranu musti sadiai untu' a'bundu' a'jappa riolo ri dallekanna tu Israel maraengannaya a'limbang ri Binanga Yordan.

YOSUA 4:12

Situru' siagang apa naparentakanga Musa, nipariolomi a'limbang tantarana suku Ruben, Gad siagang bageruanna suku Manasye.

YOSUA 4:13

Yangasenna niaki 40.000 tu bura'ne angngerang ngaseng sanjata siagang sadiaya untu' a'bundu'. Ri dallekanNa Batara, alimbangi ke'nanga nampa mange ri lappara' rawaya ri ampi'na Yerikho.