KALAPPASSANG 13:17 - KITTA' MATANGKASA'

¹⁷ Le'ba'na nalappassang Karaeng Mesir a'lampa bansa Israel, tena nanierangi ke'nanga ri Allata'ala allalo ri oloang allaloa ri pa'rasangang Filistin, manna naia kaminang ambani anjo oloanga. Napikkiriki Allata'ala angkana, “Gassingka assesse' lalanji anne bansaya punna nacini' angkanaya musti a'bunduki ke'nanga, nampa ammotere' mange ri Mesir.”

KALAPPASSANG 13:17 ပူးပေါင်းရင်းမြစ်များ

1 KARAENG-KARAENG 8:47

poro Kipilangngeri pappala' doanna ke'nanga. Punna anjoreng ri pa'rasanganga nabokoi dosa-dosana ke'nanga, nappala' doang mae ri Katte namangaku angkana dorakami siagang a'gau' ja'dala'mi ke'nanga, Kipilangngerimi pappala' doanna ke'nanga, o Batara.

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

KALAPPASSANG 14:10

Nacini'na tu Israel anjo Karaeng Mesir siagang tantarana battu, teaimi sipato' malla'na ke'nanga. Nammarrammo ke'nanga appala' tulung ri Batara.

LAMPA-LAMPANA 15:38

Mingka napikkiriki Paulus angkanaya tabajikai nierang Markus; nasaba' taerokai assamaturu' anjama siagang ke'nanga, kammayatompa le'baki Markus ampilari ke'nanga ri wattunna nia' ri Pamfilia ke'nanga.

LAMPA-LAMPANA 7:39

Mingka manna nakamma, taerokai boe-boeta anturuki kananna. Nisorongbokoi ri ke'nanga, siagang erokangangi ke'nanga ammotereka mange ri butta Mesir.

PAOLE 17:16

Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

PAOLE 20:8

Sikamma komandanga musti napau tongi anne kana kammaya mae ri tantaraya, ‘Niakka ri kau ranggasela siagang malla'? Punna nia', akkullei ammotere'. Punna tena, lanapanraki sumanga'na tau maraenga.’

PAOLE 28:68

LaNakiringko ammotere' Batara mange ri Mesir siagang kappala', manna pole nale'ba'mo angkana angkanaya tenamo nulammotere' mange anjoreng. Anjoreng lanubalukangi kalennu a'jari ata mae ri musunnu, mingka manna sitau tania' ero' amballiko.”

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

HAKING-HAKING 7:3

Jari, pauammi taunnu angkanaya, ‘Inai-nai nabattui malla', musti akkaro-karoi nabokoi anne Moncong Gilead nammotere' mange ri balla'na.’ ” Jari nia' 22.000 tau ammotere'. Ia ammantanga nia' mamo 10.000 tau.