KALAPPASSANG 13:15 - KITTA' MATANGKASA'

¹⁵ Ri wattunna kapala batu Karaeng Mesir siagang taerokai allappassangki' a'lampa, Nabunomi Batara sikontu ana'-ana' bura'ne bungasa' lassuka ri Mesir, baji' ana' rupataua kammayatompa ana' olo'-oloka. Iaminjo saba'na nanikoro'bangkang mae ri Batara sikontu olo'-olo' piara lakia ia bungasaka lassu', mingka nipasuluki ana'-ana' bura'neta ia bungasaka lassu'.’

KALAPPASSANG 13:15 ပူးပေါင်းရင်းမြစ်များ

PAMMUJI 105:36

Nampa nabuno ngaseng sikontu ana' bura'ne toaya lalang sikontu kaluargana tu Mesir.

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

KALAPPASSANG 3:19

Nampa Nakana pole Allata'ala, “Kuassengi angkanaya taerokai Karaeng Mesir allappassangko a'lampa, pantaranganna punna nipassai.

KALAPPASSANG 34:20

mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

KALAPPASSANG 4:23

siagang ikau Kuparentakang mako sollanna nusare ising anjo anakKu untu' a'lampa, sollanna akkulle nagaukang ibadana mae ri Nakke; mingka nutollaki anjo parentaKu. Kamma-kamma anne laKubunoi ana'nu toaya.’ ”

PAMMILANGNGANG 18:15

Sikontu bungasa' lassuka battu ri rupataua kammayatompa olo'-olo' napassareanga tu Israel mae ri Nakke, iami bageannu. Mingka musti nupasuluki sikamma ana' bungasa'nu, kammayatompa olo'-olo' harang bungasa' lassuka.

PAMMILANGNGANG 3:46

Lanri la'biangngangi ana' bura'ne bungasa'na tu Israel 273 jaina tau najaina tu Lewi, jari anjo la'binna musti nupasuluki.