KALAPPASSANG 12:6 - KITTA' MATANGKASA'

⁶ Musti nuboliki sa'genna tanggala' sampulo angngappa'. Anjo alloa, ri karuenna, sikontu umma' Israel musti napolongi anjo ana' gimbalaka.

KALAPPASSANG 12:6 ပူးပေါင်းရင်းမြစ်များ

2 PATTOTTORANG 35:1

Nampa nasuarri Yosia Allo Lompo Paskaya ri Yerusalem untu' ampakala'biriki Batara. Gimbala' untu' anjo allo lompoa nipolommi ri tanggala' 14 bulang se're.

EZRA 6:19

Ri tanggala' sampulo angngappa' sitaung ribokoanganna, ri wattu ammotere'na sikamma anjo taua battu ri pa'rasangang pammelakkanga, napakalompomi ke'nanga Allo Paskaya.

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 12:17

Anjo alloa laKuerangi sikontu bansanu assulu' battu ri Mesir. Lanri kammana anjo untu' situlusu'na, tunggala' taung, anjo allo kammaya musti nupakalompoi a'jari allo lompo.

KALAPPASSANG 12:18

Lalanna bulang makase'rea, appakkaramula tanggala' sampulo angngappa' bangngi, sa'genna tanggala' ruampulo asse're bangngi, takkulleako angnganre roti ammakea pa'gambang. Lalang tuju allo sikontu pa'gambanga musti nupasuluki battu ri balla'nu. Sikamma tu Israelka yareka bansa maraenga angnganrea roti ammake pa'gambang lalang nisuarrinna anjo allo lompoa, tenamo nalanikanai anggota ummakKu.”

KALAPPASSANG 12:47

Sikontu umma' Israel musti napakalompoi anjo passua'-suarranga.

KALAPPASSANG 16:1

Nampa a'lampa anjo sikontu umma' Israel battu ri Elim. Na ri tanggala' sampulona allima bulang makarua le'ba'namo nabokoi ke'nanga Mesir, battumi ke'nanga mange ri parang lompo niarenga Sin, niaka ri alla'na Elim siagang Moncong Sinai.

KALAPPASSANG 16:12

“Kulangngereki pa'moro-morona ke'nanga tu Israel. Pauammi ke'nanga angkana punna karueng langgappami ke'nanga dageng, siagang punna bari'basa' langnganrei ke'nanga roti sa'genna bassoro'. Jari lanaassemmi ke'nanga angkanaya iNakkemi Batara, Allata'alana ke'nanga.”

KALAPPASSANG 19:1

Le'baki anjo a'lampami tu Israel ambokoi Rafidim. Na ri tanggala' se're bulang makatallu ri le'ba'na nabokoi Mesir, battumi ke'nanga mae ri parang lompona Sinai. Appare'mi ke'nanga kema ri bangkenna Moncong Sinai,

KALAPPASSANG 29:39

Sikayu untu' passare bari'basa', na sikayu untu' passare karueng.

KALAPPASSANG 29:41

Nampa anjo ana' gimbala' passare untu' karuenga, musti kamma tongi anjo batena nikoro'bangkang, nipasiagang labu', minynya' zaitun siagang je'ne' anggoro'. Anjo rasanna koro'bang nitunua napakasannangi nyawaKu.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YEHEZKIEL 45:21

Ri tanggala' sampulo angngappa' bulang se're, musti nupakalompoi Allo Passua'-suarranna Paskaya. Tuju allo sikontu taua musti angnganrei roti tenaya nammake pa'gambang.

KAIMANGNGANG 23:5

Allo Lompo Paska ia nipakasuaraka untu' ampakala'biriki Batara, appakkaramulai ri wattu labuna alloa ri tanggala' sampulo angngappa' bulang se're.

PAMMILANGNGANG 28:16

Ri tanggala' sampulo angngappa' bulang se're, iami Allo Paska untu' Batara.

PAMMILANGNGANG 28:18

Ri allo makase'rena anjo passua'-suarranga, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

PAMMILANGNGANG 9:11

Mingka anjo allo Paskaya musti napakalompoi sibulang ribokoanganna, iamintu ri tanggala' sampulo angngappa' bangngi bulang rua. Pakalompoi anjo alloa siagang angnganre gimbala' Paska nupasiagang roti tenaya nammake pa'gambang kammayatompa gangang pai'.

MATIUS 27:20

Mingka imang-imang kapalaya siagang pamimping-pamimpinna tu Yahudia, tuli naajara' salai tau jaia sollanna napala' ri Pilatus, na Barabas nilappassang, nampa Isa nihukkung mate.

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

MARKUS 15:1

Ri bari'basa' dudua akkaro-karomi sipa'bicara sikontu hakinga ri Pangadelang Agamaya siagang imang-imang kapalaya, pamimping-pamimpinna tu Yahudia kammayatompa guru-guru agamaya. Nasikko'mi ke'nanga Isa nampa naerang mange napassareang ri Pilatus.

MARKUS 15:11

Mingka niajara' salami anjo tau jaia ri imang-imang kapalaya sollanna Barabas napala' ke'nanga nilappassang.

MARKUS 15:25

Tette' salapang ri bari'basaka na nisalliki Isa.

MARKUS 15:8

A'rappungammi tau jaia, nampa napala' ri Pilatus sollanna nalappassang sitau tau nitarungkua, sangkamma biasa.

LUKAS 23:1

Ammenteng ngasemmi taua ri sidanga, nampa naerang Isa mange ri dallekanna Pilatus.

LUKAS 23:18

A'rappungang ngasemmi tau jaia anjoreng, siagang ammarrang-marrammi ke'nanga angkana, “Bunoi! Lappassammi Barabas untu' ikambe!” (

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 3:14

Ia tau matangkasa' siagang tau baji', mingka nukabirisi siagang nupassai Pilatus allappassangi tu pabunoa untu' ikau sollanna nihukkung anjo Isa.

LAMPA-LAMPANA 4:27

Nasaba' memang, a'rappungammi sipa'bicara Herodes, Pontius Pilatus, sikamma tu tenaya naassengi Batara, siagang tu Israel anrinni ri kotaya. A'rappungammi ke'nanga ero' angngewai Isa, Ana' matangkasatTa, le'baka Kiangka' a'jari Karaeng Mappasalama'.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.