KALAPPASSANG 12:50 - KITTA' MATANGKASA'

⁵⁰ Mannuruki ngasemmi tu Israel siagang nagaukang ngasemmi sikamma anjo apa le'baka Naparentakang Batara mae ri Musa siagang Harun.

KALAPPASSANG 12:50 ပူးပေါင်းရင်းမြစ်များ

KALAPPASSANG 12:41

Ri allo kala'busanna anjo taung maka-430 taung, sikontu barisanna anjo umma'Na Batara a'lampami ambokoi butta Mesir.

KALAPPASSANG 12:49

Anne paratorang kammaya, nataba tongi tu Israel sitojennaya kammayatompa sikamma bansa maraeng niaka ammantang tuli ri tangnga-tangnganu.”

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 6:26

Iaminjo ke'nanga sipa'rua andallekang ri Karaeng Mesir sollanna nalappassang tu Israel.

KALAPPASSANG 7:4

Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.

PAMMILANGNGANG 3:51

nampa napassareang mae ri Harun siagang ana'-ana'na.

PAMMILANGNGANG 36:10

Jari, situru' parentaNa Batara mae ri Musa, anjo limaya ana' bainena Zelafehad, iamintu Mahla, Tirza, Hogla, Milka, siagang Noa, a'buntingi siagang ana'-ana' bura'nena sari'battanna manggena ke'nanga.

PAMMILANGNGANG 5:4

Nagaukammi tu Israel anjo parentaya siagang napasulu'mi sikontu tau garring kammaya anjo battu ri pakkemaanga.

PAMMILANGNGANG 8:19

nampa anjo tu Lewia Kupassareangi mae ri Harun siagang sikamma ana'-ana'na, sollanna akkulle nagaukang tugasaka untu' tu Israel lalang ri KemaKu. Kammayatompa sollanna appala' ke'nanga pammopporokKu untu' bansa Israel, sollanna anjo bansaya tena natujui bala punna battui ke'nanga a'reppese' dudu ri anjo tampa' matangkasaka.”

PAMMILANGNGANG 8:20

Lanri kammana anjo, Musa, Harun siagang sikontu umma' Israel napassareammi anjo tu Lewi mae ri Batara, sangkamma Naparentakanga Batara mae ri Musa.

PAMMILANGNGANG 8:22

Nagaukammi tu Israel sikontu apa Naparentakanga Batara mae ri Musa ri passala'na tu Lewi. Lanri kammana minjo nanggappamo ha' tu Lewi untu' anggaukangi jama-jamanga lalang ri KemaNa Batara nipimping ri Harun siagang sikamma ana'na.

PAMMILANGNGANG 9:5

Napakalompomi ke'nanga anjo allo Paskaya ri parang lompona Sinai ri wattu karueng tanggala' sampulo angngappa' bulang se're. Yangasenna anjo nagaukammi ke'nanga situru' apa Naparentakanga Batara mae ri Musa.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

YOHANES 13:17

Nuasseng ngaseng minne; jari mate'ne mako punna nugaukangi.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.