KALAPPASSANG 12:38 - KITTA' MATANGKASA'

³⁸ Jai sikali sapi naerang ke'nanga, kammayatompa gimbalaka siagang bembea. Jai todong bansa maraeng amminawang.

KALAPPASSANG 12:38 ပူးပေါင်းရင်းမြစ်များ

NEHEMIA 13:3

Ri wattunna nalangngere' bansa Israel anjo passala' kammaya, nasa'la'mi sikontu bansa maraenga battu ri ra'ya' Israel.

KALAPPASSANG 10:9

Appialimi Musa angkana, “Yangasenna ikambe, baji' tu rungkaya kammayatompa tau toaya. Lanaerang ngasengi kambe ana'na ikambe, sikontu sapia, gimbalaka, siagang sikontu bembena ikambe, nasaba' musti appareki ikambe passua'-suarrang lompo untu' ampakalompoi Batara.”

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

KAIMANGNGANG 24:10

Ri pakkemaanna tu Israel nia' se're bura'ne. Manggena anjo taua iamintu tu Mesir nampa amma'na iamintu tu Israel niarenga Selomit, ana'na Dibri battu ri suku Dan. Ri se'reang allo a'besereki anjo taua siagang sitau tu Israel ri pakkemaanga. Ri wattunna a'besere', natunrai Allata'ala. Lanri kammana anjo nierammi anjo taua ri tu Israel mange andallekang ri Musa,

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

PAMMILANGNGANG 20:19

Nakanamo anjo tu Israelka, “Anjorenji ri agang lompoa la'jappa ikambe; na punna nia' ri kambe yareka olo'-olo'na ikambe angnginungi je'ne'nu, nabayarappi kambe. Poro ero'ji bawang ammalo ikambe.”

PAMMILANGNGANG 32:1

Suku-suku Ruben siagang Gad teai sipato' jaina olo'-olo' piarana. Ri wattunna nacini' ke'nanga antekamma baji'na butta Gilead siagang Yaezer untu' nipammarakai olo'-olo',

PAOLE 3:19

Tubai'-bainenuji bawang siagang sikamma ana'nu kammayatompa anjo olo'-olo' jainu akkulle ammantang ri kota-kota le'baka kupassareang mae ri kau.

YOSUA 8:35

Sikamma parentana Musa nabacakangi Yosua mae ri sikontu umma' Israel niaka asse're anjoreng, kammayami tubai'-bainea, ana'-anaka, siagang sikamma bansa maraeng niaka ammantang ri alla'na ke'nanga.