KALAPPASSANG 12:28 - KITTA' MATANGKASA'

²⁸ Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 12:28 ပူးပေါင်းရင်းမြစ်များ

2 SAMUEL 5:25

Nagaukammi Daud anjo apa Naparentakanga Batara, siagang akkullemi natunrung sa'genna ammunduru' anjo tu Filistin battu ri Geba sa'genna mange ri Gezer.

1 KARAENG-KARAENG 17:5

Naturuki Elia anjo parentaNa Batara, siagang a'lampami mange ri pangka Binanga Kerit nampa ammantang anjoreng.

KALAPPASSANG 12:27

Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

KALAPPASSANG 12:35

Nagaukang ngaseng tommi ke'nanga apa le'baka napau Musa, iamintu appalaki ke'nanga belo-belo bulaeng, pera' siagang pakeang battu ri tu Mesir.

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 36:1

Bezaleel, Aholiab, siagang sikontu pajama-jama alusuka anggappai kacara'dekang siagang kaporeang battu ri Batara; naassengi ke'nanga antekamma batena nigaukang anjo jama-jamang niparalluanga ampareki KemaNa Batara. Sikontu anjo apa napareka ke'nanga musti situruki siagang apa le'baka Naparentakang Batara.”

KALAPPASSANG 39:32

Kala'busanna le'ba' ngasemmi anjo jama-jamang appareka KemaNa Batara. Le'ba'mi nagaukang tu Israel sikamma apa Naparentakanga Batara mae ri Musa.

KALAPPASSANG 39:42

Le'ba'mi nagaukang tu Israel sikontu jama-jamanga anjo, situru' parentaNa Batara mae ri Musa.

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

KALAPPASSANG 7:10

Jari a'lampami Musa siagang Harun andallekang ri karaenga siagang nagaukammi anjo apa Naparentakanga Allata'ala. Nabuangi Harun takkanna ri buttaya ri dallekanna karaenga siagang sikamma pagawena, nampa a'jari ulara'mo anjo takkanga.

KALAPPASSANG 7:6

Nagaukammi Musa siagang Harun anjo apa Naparentakanga Batara.

KAIMANGNGANG 24:23

Le'baki napabattu Musa sikamma anjo kana-kanaya mae ri bansa Israel, naerammi ke'nanga anjo tau le'baka antunrai Allata'ala assulukang ri pantaranganna pakkemaanga nampa nisambila siagang batu sa'genna mate. Kammaminjo carana tu Israel anggaukangi apa le'baka Naparentakang Batara mae ri Musa.

PAMMILANGNGANG 1:54

Jari nagaukammi tu Israel sikontu anjo apa Naparentakanga Batara mae ri Musa.

PAMMILANGNGANG 31:31

Nagaukammi Musa siagang Imang Eleazar situru' anjo apa Naparentakanga Batara.

PAMMILANGNGANG 31:41

Nampa napassareang Musa anjo passare nisa'laka mae ri Imang Eleazar untu' nipassareang mae ri Batara, situru' Naparentakanga Batara.

PAMMILANGNGANG 31:47

Sangkamma Naparentakanga Batara, naallemi Musa tasse're battu ri ta'limampuloa tunitahang siagang olo'-oloka, nampa napassareang mae ri tu Lewi tugasaka ri KemaNa Batara.

PAMMILANGNGANG 5:4

Nagaukammi tu Israel anjo parentaya siagang napasulu'mi sikontu tau garring kammaya anjo battu ri pakkemaanga.

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

IBRANI 11:28

Lanri tappa'na nappare'mo Passua'-suarrang untu' Allo Kalappassang; siagang nasuro ba'basa'mi cera' olo'-olo' sikamma tompo' pakke'bu'na tu Israelka, sollanna tanibunoa ana' bungasa'na ke'nanga ri Malaeka' Paalle Nyawaya.

YOSUA 14:5

Kammaminjo batena umma' Israel ambage-bagei anjo buttaya situru' apa le'baka Naparentakang Batara mae ri Musa.

YOSUA 2:21

Situjumi Rahab ri anjo passalaka nampa nalappassang ke'nanga a'lampa. Nampa napasikko' anjo otere' ejaya mae ri jandelana.

YOSUA 4:8

Nagaukammi anjo sampuloa anrua tau anjo apa naparentakanga Yosua. Situru' pangngunju'Na Batara mae ri Yosua, angngallemi ke'nanga sampulo anrua batu battu ri tangnga-tangana Binanga Yordan, sangkammaya jaina siagang suku-suku niaka lalang ri bansa Israel. Nampa naerang ke'nanga anjo batua mange ri tampa' pakkemaanna ke'nanga.