KALAPPASSANG 12:27 - KITTA' MATANGKASA'

²⁷ Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

KALAPPASSANG 12:27 ပူးပေါင်းရင်းမြစ်များ

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

2 PATTOTTORANG 20:18

Jari su'ju'mi Karaeng Yosafat. Nampa sikontu ra'yaka amminawang kabusu' tommi su'ju' anynyomba ri Batara.

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

NEHEMIA 8:6

Nakanamo Ezra, “Nipujimi Batara, Allata'ala malompoa!” Sikontu ra'yaka naangka' ngasemmi limanna tinggi-tinggi nampa appiali angkana, “Aming, aming!” Nampa su'ju' ke'nanga anynyomba ri Allata'ala.

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

PAMMUJI 78:5

Napassareangi hukkunNa mae ri bansa Israel, siagang parentaNa mae turunganna Yakub. Nasuroi boe-boeta ampangngajarrangi mae ri ana'-ana'na ke'nanga,

KALAPPASSANG 10:2

siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 12:11

Ri wattunnu angnganre musti ammakeang bajikko untu' sadia a'lampa, ammake sandala' siagang takkang ri limannu. Musti akkaro-karoko angnganre. Iaminjo nipakalompona allo Paska untu' ampakalompoA', iNakke anne Bataraya.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:8

Ri pakaramulanna anjo passua'-suarranga musti nucaritai mae ri ana'nu bura'nea angkanaya nanugaukang ngaseng anjo sikammaya lanri sikamma apa le'baka Nagaukang Batara untu' ikau ngaseng ri wattunna nubokoi pa'rasangang Mesir.

KALAPPASSANG 34:25

Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

KALAPPASSANG 34:8

Anjo wattua su'ju' memammi Musa anynyomba.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

1 KORINTUS 5:7

Pelaki rolong anjo pa'gambang salloa, iamintu dosaya, sollannu a'jari sanrapang labu' berua nileo', tangkasaka battu ri pa'gambanna dosa salloa. Nakuasseng angkanaya kamma mako anjo, lanri sadiami passua'-suarrang allo Paskata: Almasi a'jari sanrapang gimbala' Paska, le'baka nikoro'bangkang.

PAOLE 16:2

A'lampako mange ri anjo tampa' ibadaya untu' anynyamballe sikayu gimbala'nu yareka sapinu salaku passare Paska untu' ampakala'biriki Karaeng Allata'alanu.

PAOLE 16:5

Olo'-olo' untu' Allo Lompo Paskaya musti nipolongi ri tampa' ibada le'baka nipattantu, siagang takkulleai ri tampa' maraeng ri sikontu pa'rasangang Napassareanga Batara mae ri kau. Anjo kammaya musti nugaukangi ri wattu labuna alloa, sangkamma ri wattunna nubokoi butta Mesir.