KALAPPASSANG 12:21 - KITTA' MATANGKASA'

²¹ Nakioki Musa sikontu pamimpinna bansa Israel nampa nakana mae ri ke'nanga, “A'lampamako mange angngalle sikayu ana' gimbala' untu' kaluarganu, untu' ampakalompoi allo Paskaya.

KALAPPASSANG 12:21 ပူးပေါင်းရင်းမြစ်များ

2 KARAENG-KARAENG 23:21

Nampa naparentakang Karaeng Yosia mae ri ra'yaka untu' ampakalompoi Allo Paskaya sangkamma niaka tattulisi' lalang ri kitta' “Parjanjiang Siagang Batara.” Lalang kammana anjo napakalompomi Batara, Allata'alana ke'nanga.

EZRA 6:20

Sikontu imanga siagang tu Lewia le'ba'mi nagaukang upacara pannangkasia ri kalenna, sa'genna nikana tangkasa'mi ke'nanga. Nampa anjo tu Lewia anynyamballemi olo'-olo' untu' a'jari koro'bang Paska mae ri sikamma imanga, mae ri kalenna ke'nanga, kammayatompa mae ri sikontu tau le'baka nipela'.

KALAPPASSANG 12:11

Ri wattunnu angnganre musti ammakeang bajikko untu' sadia a'lampa, ammake sandala' siagang takkang ri limannu. Musti akkaro-karoko angnganre. Iaminjo nipakalompona allo Paska untu' ampakalompoA', iNakke anne Bataraya.

KALAPPASSANG 12:3

Pabattui anne parentaya mae ri sikontu umma' Israel: Ri tanggala' sampulo anne bulanga, sikontu tu bura'nea musti ammolongi sikayu ana' gimbala' untu' nakanre siagang kaluargana.

KALAPPASSANG 17:5

Nakanamo Batara ri Musa, “Kioki siapa are pamimpinga siagang a'jappa mako siagang ke'nanga, a'jappa riolo ri dallekanna anjo bansaya. Erang tongi takkannu le'baka nupake untu' antunrungi Binanga Nil.

KALAPPASSANG 19:7

Jari naummi Musa battu ri anjo buluka nampa nakio' ngaseng sikamma pamimpinga sollanna a'rappungang. Nampa nacaritamo mae ri ke'nanga sikontu apa Naparentakanga Batara mae ri ia.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

PAMMILANGNGANG 11:16

Nampa Nakanamo Batara mae ri Musa, “Passe'rei battu ri bansa Israel tujupulo tau toa, ia niania salaku pamimpinna bansaya. Erangi ke'nanga battu mae ri dallekangKu ilalang ri KemaKu, nampa suroi ke'nanga ammenteng anjoreng ri sa'rinnu.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

IBRANI 11:28

Lanri tappa'na nappare'mo Passua'-suarrang untu' Allo Kalappassang; siagang nasuro ba'basa'mi cera' olo'-olo' sikamma tompo' pakke'bu'na tu Israelka, sollanna tanibunoa ana' bungasa'na ke'nanga ri Malaeka' Paalle Nyawaya.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.