KALAPPASSANG 12:16 - KITTA' MATANGKASA'

¹⁶ Ri allo makase'rea, kammayatompa ri allo makatujua, musti a'rappungangko untu' anggaukangi ibadanu. Anjo alloa takkulleako anggaukangi sikamma jamanga pantaranganna untu' appasadiaya kanre.

KALAPPASSANG 12:16 ပူးပေါင်းရင်းမြစ်များ

KALAPPASSANG 16:23

Nakanamo Musa mae ri ke'nanga, “Iaminne parentaNa Batara: Ammuko iamintu allo le'ba' nisa'la' untu' ammari-mari, allo Pammari-mariang, allo nisa'laka nanipassareang mae ri Batara. Apa eroka nulangga anne alloa, langga memammi, siagang apa eroka nupallu, pallu memammi. Apa la'bia untu' kaparalluang anne alloa, sa'laki siagang boliki untu' ammuko.”

KALAPPASSANG 16:29

U'rangi angkanaya Kusareko wattu siallo untu' ammari-mari. Iaminjo saba'na naKusareko kanre anggannaka untu' ruangallo ri makaannanna alloa. Ri makatujuna alloa yangasenna taua musti ammantangi ri balla', takkulleai assulu'.”

KALAPPASSANG 16:5

Ri maka annanna alloa musti appasse'rei ke'nanga kanre a'lappi rua jaina.”

KALAPPASSANG 20:10

mingka allo makatujua iamintu allo pammari-mariang ia nisa'laka untu' iNakke. Anjo alloa manna sitau takkulleai anjama, baji' naikau, kammayatompa ana'-ana'nu, ata-atannu, olo'-olo'nu yareka tau annompanga lalang ri pa'rasangannu.

KALAPPASSANG 34:18

Pakalompoi allo Passua'-suarranna Roti Tenaya Nammake Pa'gambang. Kamma le'baka Kuparentakang mae ri kau, musti angnganreko roti tenaya nammake pa'gambang lalang tuju allo sallona lalang ri bulang Abib, lanri lalang iaminjo bulanga nanubokoi butta Mesir.

YESAYA 1:13

Tena matu-matunna nuerang anjo passarea. ErokkA' ta'langnge angngaraki rasanna. BirisikkA' siagang tena Kuparrang ancinikko ampakalompoi Bulang Berua, allo-allo Pammari-marianga, allo-allo lompo kammayatompa sikamma passirapakkang agamanu. Yangasenna anjo nurantassi lanri dosa-dosanu, siagang a'jarimi erangngang battala' mae ri Nakke; mangngamMa' Kusa'ring angngerangi.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 23:35

Ilalanna anjo tuju alloa, tunggala' allo musti assareko koro'bang kanre-kanreang. Ri allo makase'rea siagang makasagantujua musti asse'reko untu' anggaukangi ibadaya siagang assare koro'bang kanre-kanreang mae ri Batara. Teako anjama battalaki anjo alloa.

PAMMILANGNGANG 28:18

Ri allo makase'rena anjo passua'-suarranga, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

PAMMILANGNGANG 28:25

Ri allo makatujua musti asse're ngasengko untu' anggaukangi ibadaya siagang takkulleai nugaukang jama-jamang battalaka.

PAMMILANGNGANG 28:26

Ri allo makase'rena Allo Lompo Pakkattoanga, allo lompo lappasa'na tappintujua tattuju allo, ri wattunna nupassareang gandung berua mae ri Batara, musti asse're ngasengko untu' anggaukangi ibadaya, siagang takkulleako anggaukangi jama-jamang battalaka.

PAMMILANGNGANG 29:1

Ri tanggala' se're bulang tuju musti asse're ngasengko untu' anggaukangi ibadaya, siagang takkulleako anggaukangi jama-jamang battalaka. Anjo alloa musti nipasa'rai sikamma tarompeka.

PAMMILANGNGANG 29:12

Ri tanggala' sampulo allima bulang tuju, musti asse're ngasengko untu' anggaukangi ibadaya, siagang takkulleako anjama battala'. Lalang tuju allo musti apparekko passua'-suarrang untu' ampakalompoi Batara.

YOHANES 19:31

Taerokai pamarentana tu Yahudia amboliki ammantang ta'gentung maya'na anjo tau le'baka nisalli' ri allo Pammari-marianga. La'biangampa pole nasaba' anjo allo Pammari-marianga sitabang tongi Allo Lompona Allo Pammari-marianga. Lanri anjo nisalli'Na Isa tenapa narapiki allo Pammari-marianga, appala' paramisimi tu Yahudia mae ri Pilatus sollanna akkulle natepo' ke'nanga bangkenna anjo tau le'baka nisalli', siagang nipanaung maya'na battu rate ri anjo kayu sallika.

PAOLE 16:8

Lalang annang allo ribokoanganna, musti angnganreko roti tenaya nammake pa'gambang. Ri makatujuna alloa musti asse're ngasengko untu' anynyomba ri Karaeng Allata'alanu. Teako anjamai anjo alloa.”