KALAPPASSANG 12:15 - KITTA' MATANGKASA'

¹⁵ Nakana Batara, “Tuju allo sallona takkulleako angnganre roti ammake pa'gambang. Ri allo makase'rea sikontu pa'gambanga musti nipasuluki battu ri balla'nu, nasaba' punna lalanna anjo tuju alloa nia' sitau angnganre roti ammake pa'gambang, tenamo nakkulle nikana anggota ummakKu.

KALAPPASSANG 12:15 ပူးပေါင်းရင်းမြစ်များ

PA'JARIANG 17:14

Sikamma bura'-bura'ne tenaya nisunnaki tenamo nalanibilang anggota ummakKu, lanri tenana nanna'gala' mae ri anjo parjanjianga.”

2 PATTOTTORANG 30:21

Tuju alloi sallona, sanna' rannuna ngaseng nyawana taua asse're ri Yerusalem anggaukangi anjo upacara passua'-suarrang Allo Lompo Roti Tenaya Nammake Pa'gambang. Tunggala' alloi tu Lewi siagang sikamma imanga mammuji-mujia tojeng mae ri Batara.

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 23:15

Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

KALAPPASSANG 30:33

Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

KALAPPASSANG 30:38

Inai-nai appare' bau'-baukang kammaya anjo, tenamo nanibilang anggota ummakKu.”

KALAPPASSANG 31:14

Musti nupakalompoi anjo Allo Pammari-marianga a'jari allo matangkasa'. Kusareko annang allo untu' anjama, mingka allo makatujua iami allo lompo nisa'laka untu' iNakke. Inai-nai tena napakalompoi, mingka anjamai ri anjo alloa, musti nihukkung matei.

KALAPPASSANG 34:18

Pakalompoi allo Passua'-suarranna Roti Tenaya Nammake Pa'gambang. Kamma le'baka Kuparentakang mae ri kau, musti angnganreko roti tenaya nammake pa'gambang lalang tuju allo sallona lalang ri bulang Abib, lanri lalang iaminjo bulanga nanubokoi butta Mesir.

KALAPPASSANG 34:25

Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

KAIMANGNGANG 17:14

Nyawana sikamma apa attallasaka niaki lalang ri cera'na. Lanri kammana minjo Napappisangkangi Batara mae ri bansa Israelka angnganre cera'. Sikamma tau anggaukangai anjo apa Nipappisangkanga, tenamo nanibilangi anggota umma'Na Allata'ala.

MALEAKHI 2:12

Poro sikamma anjo tau a'gau' kammaya Nipakabellai ri Batara battu ri umma' Israel. Poro tena lalomo namminawang ri bansata assare koro'bang-koro'bang mae ri Batara Kaminang Koasaya.

PAMMILANGNGANG 28:17

Allo ammukona, tanggala' sampulo allima, appakkaramulami Passua'-suarrang Roti Tenaya Nammake Pa'gambang; na lalang tuju allo, takkulleako angnganre roti ammakea pa'gambang.

PAMMILANGNGANG 9:13

Kabalekanna tau tenaya nara'masa' siagang tenaya todong nalalang pa'jappang, mingka tanajampangiai ampakalompoi allo Paskaya, tenamo naKubilangi ummakKu, lanri tenana nassare koro'bang mae ri Nakke ri allo le'baka nipattantu. Anjo taua musti natanggongi kale'bakkang kodina anjo dosana.

MATIUS 16:12

Kale'bakkanna napahammi ana'-ana' gurunNa Isa angkanaya nisuroi ri Isa sollanna tutu ke'nanga ri pangngajarang salana tu Farisia siagang tu Sadukia. Jari teai passala' nikellaina ke'nanga tutu ammake pa'gambang punna appare' roti.

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 2:43

Le'ba'na passua'-suarranga, ammotere'mi ke'nanga. Mingka ammantanginji Isa anjo Anaka ri Yerusalem, natanaassenga manggeNa siagang amma'Na.

LAMPA-LAMPANA 12:3

Ri wattunna nacini' Herodes angkanaya rannui nyawana tu Yahudia anciniki anjo apa nagaukanga, pila' katambammi panggaukang kammana; nasuro tommi taua anjakkalaki Petrus. Anjo wattua Allo Lomponai Roti Tenaya Nammake Pa'gambang.

GALATIA 5:12

Bajikangangi punna assulu' memang battu ri jama'aka anjo tau angkacoai pikkirannu!

PAOLE 16:3

Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

PAOLE 16:5

Olo'-olo' untu' Allo Lompo Paskaya musti nipolongi ri tampa' ibada le'baka nipattantu, siagang takkulleai ri tampa' maraeng ri sikontu pa'rasangang Napassareanga Batara mae ri kau. Anjo kammaya musti nugaukangi ri wattu labuna alloa, sangkamma ri wattunna nubokoi butta Mesir.

PAOLE 16:8

Lalang annang allo ribokoanganna, musti angnganreko roti tenaya nammake pa'gambang. Ri makatujuna alloa musti asse're ngasengko untu' anynyomba ri Karaeng Allata'alanu. Teako anjamai anjo alloa.”