KALAPPASSANG 12:14 - KITTA' MATANGKASA'

¹⁴ Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 12:14 ပူးပေါင်းရင်းမြစ်များ

2 KARAENG-KARAENG 23:21

Nampa naparentakang Karaeng Yosia mae ri ra'yaka untu' ampakalompoi Allo Paskaya sangkamma niaka tattulisi' lalang ri kitta' “Parjanjiang Siagang Batara.” Lalang kammana anjo napakalompomi Batara, Allata'alana ke'nanga.

PAMMUJI 111:4

Anjo Batara mangngamaseangi siagang manynyayangi, Nagaukang gau'-gau' malompoa, sollanna ikatte tuli niu'rangi.

PAMMUJI 135:13

O, Batara, iKatte tuli lanikabarrang, siagang arenTa niu'rangi ri sikontu turungang,

KALAPPASSANG 12:17

Anjo alloa laKuerangi sikontu bansanu assulu' battu ri Mesir. Lanri kammana anjo untu' situlusu'na, tunggala' taung, anjo allo kammaya musti nupakalompoi a'jari allo lompo.

KALAPPASSANG 12:24

Ikau siagang ana'-ana'nu musti nuturuki anjo parentaya sa'genna satunggu-tungguna.

KALAPPASSANG 12:43

Nakana Batara mae ri Musa siagang Harun, “Iaminne paratoranna punna nipakalompo allo Paskaya. Bansa maraenga takkulleai angnganre dageng gimbala' nipassareanga ri allo Paskaya.

KALAPPASSANG 12:6

Musti nuboliki sa'genna tanggala' sampulo angngappa'. Anjo alloa, ri karuenna, sikontu umma' Israel musti napolongi anjo ana' gimbalaka.

KALAPPASSANG 23:15

Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 5:1

Nampa a'lampamo Musa siagang Harun mange andallekang ri Karaeng Mesir. Nakana ke'nanga, “Kammaminne parentaNa Batara, Allata'alana Israel, ‘Sarei ising bansaKu a'lampa sollanna akkulle ke'nanga anggaukangi ibadana mae ri Nakke ri parang lompoa.’ ”

YEHEZKIEL 46:14

Pantaranganna anjo, tunggala' bari'basa' musti nipassareang tongi rua kilogarang gandung siagang se're litere' minynya' zaitun untu' nipasileo' siagang anjo gandunga. Iaminjo koro'bang gandung tunggala' alloa musti nipassareang mae ri Batara; anjo atoranga nipakei untu' satunggu-tungguna.

KAIMANGNGANG 23:6

Ammukona, tanggala' sampulo allima, appakkaramulami Passua'-suarrang Roti Tenaya Nammake Pa'gambang, siagang lalanna tuju alloa takkulleai taua angnganre roti ammakea pa'gambang.

ZAKHARIA 6:14

Anjo songko' kalompoanga niboliki ri BallakKu untu' ampakaingaki Heldai, Tobia, Yedaya, siagang Yosia.

PAMMILANGNGANG 10:8

Anjo tarompeka musti nituiki ri sikamma imanga, ana'-ana'na Harun. Iaminjo paratorang mustia nuturuki sa'genna satunggu-tungguna.

PAMMILANGNGANG 15:15

Anjo sikontu hukkunga siagang paratoranga nipasangkamma ngasengi mae ri kau siagang mae ri bansa maraeng ammantanga ri tangnga-tangnganu, lanri ikau siagang anjo ke'nanga nipasangkammako ri dallekanNa Batara. Na anjo kammaya tappakei sa'genna satunggu-tungguna.

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

PAMMILANGNGANG 18:8

Nakana Batara mae ri Harun, “U'rangi! Sikontu passare nisa'la' nipassareanga mae ri Nakke, ia tenaya nitunui, iaminjo bageannu. Iaminjo bageannu le'baka nipattantu sa'genna satunggu-tungguna. Anjo Kupassareangi mae ri kau siagang mae ri jari-jarinu.

MATIUS 26:13

Patappa'mi angkanaya, kere-keremae nipa'la'bang Kabara' Baji' battua ri Allata'ala ri sikontu linoa, anjoremmi lanibicara todong anne nagaukanga bainea, a'jari pammatei siagang pangngu'rangi ri ia.”

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

PAOLE 16:1

“Pakalompoi Allo Lompo Paskaya ri bulang Abib untu' ampakala'biriki Karaeng Allata'alanu, nasaba' ri wattu iaminjo bulanga, ri wattu bangngina, naNalappassangko Batara battu ri Mesir.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 6:8

Pasikkoki anjo mae ri limannu siagang patabai mae ri abannu sollanna tuli nuu'rangi.

YOSUA 4:7

parallui nupauang ke'nanga angkanaya ammantangi a'lo'loro' je'ne'na Binanga Yordan ri wattunna nierang a'limbang Patti ParjanjianNa Batara ri anjo binangaya. Anjo batu-batua latuli ampiu'rangiangi bansa Israel mae ri apa kajarianga anrinni.”

1 SAMUEL 30:25

Nampa nagaukammo Daud anjo a'jari paratorang, na nituruki ri Israel sa'genna kamma-kamma anne.