KALAPPASSANG 12:12 - KITTA' MATANGKASA'

¹² Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

KALAPPASSANG 12:12 ပူးပေါင်းရင်းမြစ်များ

1 PATTOTTORANG 14:12

Ri wattunna larimo pasukang Filistin, tenamo nasawe ke'nanga angngerangi patung-patung barhalana ke'nanga. Naparentakammi Daud sollanna nitunu ngaseng anjo patung-patunga.

PAMMUJI 135:8

Ri Mesir Nabunoi sikontu ana' bungasaka battu ri rupataua sa'genna olo'-oloka.

PAMMUJI 82:1

Pammujina Asaf. Allata'ala ampimpingi sidang kakaraenganga ri suruga, nampa assare kaputusang angkana,

PAMMUJI 82:6

Kukana ikau ana'-ana'na ngasengko karaenga ana'-ana'na ngasengko Allata'ala Kaminang Tinggia.

PAMMUJI 91:7

Manna 1.000 tau mate ri sa'rinnu, na 10.000 ri sa'ri kanannu, mingka ikau tena nungngapa-apa.

PAMMUJI 95:3

Saba' Batarami Allata'ala malompo, Karaeng malompo rateanganna sikontu rewataya.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

KALAPPASSANG 21:6

musti nierangi ri pinggawana mae ri tampa' ibadaya. Anjoreng musti nisuroi ammenteng siagang ammanjeng anjo ataya ri pakke'buka yareka ri benteng pakke'bu'na tampa' ibadaya, nampa anjo pinggawana musti natintingi tolinna anjo ataya. Nampa la'jarimi anjo ataya salaku ata mae pinggawana sa'genna mate.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KALAPPASSANG 6:2

Kupappicinikangi KalengKu mae ri Abraham, Ishak siagang Yakub, salaku Allata'ala Kaminang Koasaya, mingka tena Kupappiassengangi KalengKu mae ri ke'nanga lalang areng ‘Batara’.

KALAPPASSANG 9:6

Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YEREMIA 43:12

LapparinrA' pepe' ri sikamma balla'-balla' rewatana Mesir, nampa lanatunu karaeng Babel anjo patung-patung barhalaya ri anjo balla' rewataya yareka naengkaki mange ri pa'rasanganna. Rapang sitau pakalawaki antangkasi pakeanna battu ri gantuma, kamma tomminjo karaeng Babel lambarrasaki Mesir, nampa a'lampa ammotere' tena anrompai.

YEREMIA 43:13

Sikamma patung-patunna barhalaya ri Heliopolis ri Mesir, laniancuru' ngasengi, siagang sikamma balla'-balla' rewataya ri Mesir lanitunui sa'genna la'busu'.”

YEREMIA 46:25

Batara Kaminang Koasaya, iamintu Allata'alana Israel, Nakana, “LaKuhukkungi Amon, rewata battua ri Tebe, siagang sikontu Mesir kammayatompa rewata-rewatana siagang sikamma karaenna. Karaeng Mesir siagang sikontu tau ampattoangai

YEHEZKIEL 12:16

Tena siapa jaina battu ri ke'nanga laKupasalama' battu ri pa'bundukanga, battu ri kacipuranga, siagang battu ri garringa, sollanna ri tangnga-tangngana anjo bansa maraenga, langngu'rangimi ke'nanga angkanaya le'baki ke'nanga a'gau' kodi sikali. Jari lamangakumi ke'nanga angkanaya iNakke Batara.”

AMOS 5:17

Ri sikontu koko anggoroka, lappiraungi taua lanri battuA' anghukkungko. INakke Batara, anne akkana.”

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

PAMMILANGNGANG 33:4

sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

1 SAMUEL 5:3

Ri wattunna pandudu'na Asdod battu ammukona bari'basa' ri anjo balla' rewataya, naciniki ke'nanga angkanaya tu'guru'mi tappatinompang naung ri buttaya anjo patung Dagon, ri dallekanna Patti ParjanjianNa Batara! Naangka'mi ke'nanga anjo patunga nampa napoterang ri pammantanganna.

1 SAMUEL 6:5

Jari, musti apparekko bulaeng sanrapang kambussuluka siagang balao ampanrasu-rasua ri pa'rasangannu. Lalang kammana anjo nupakala'biri'mi Allata'alana Israel. Lammarimi kapang anghukkungko siagang rewata-rewatanu kammayatompa pa'rasangannu.