KALAPPASSANG 12:11 - KITTA' MATANGKASA'

¹¹ Ri wattunnu angnganre musti ammakeang bajikko untu' sadia a'lampa, ammake sandala' siagang takkang ri limannu. Musti akkaro-karoko angnganre. Iaminjo nipakalompona allo Paska untu' ampakalompoA', iNakke anne Bataraya.

KALAPPASSANG 12:11 ပူးပေါင်းရင်းမြစ်များ

2 KARAENG-KARAENG 23:21

Nampa naparentakang Karaeng Yosia mae ri ra'yaka untu' ampakalompoi Allo Paskaya sangkamma niaka tattulisi' lalang ri kitta' “Parjanjiang Siagang Batara.” Lalang kammana anjo napakalompomi Batara, Allata'alana ke'nanga.

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

KALAPPASSANG 12:21

Nakioki Musa sikontu pamimpinna bansa Israel nampa nakana mae ri ke'nanga, “A'lampamako mange angngalle sikayu ana' gimbala' untu' kaluarganu, untu' ampakalompoi allo Paskaya.

KALAPPASSANG 12:27

Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

KALAPPASSANG 12:43

Nakana Batara mae ri Musa siagang Harun, “Iaminne paratoranna punna nipakalompo allo Paskaya. Bansa maraenga takkulleai angnganre dageng gimbala' nipassareanga ri allo Paskaya.

YESAYA 52:12

Tena nula'lampa karo-karo, siagang tena nusangkamma tau laria. Saba' laNarurungangko Batara; laNajagaiko Allata'alana Israel battu ri tammulilinu.

YEHEZKIEL 45:21

Ri tanggala' sampulo angngappa' bulang se're, musti nupakalompoi Allo Passua'-suarranna Paskaya. Tuju allo sikontu taua musti angnganrei roti tenaya nammake pa'gambang.

KAIMANGNGANG 23:5

Allo Lompo Paska ia nipakasuaraka untu' ampakala'biriki Batara, appakkaramulai ri wattu labuna alloa ri tanggala' sampulo angngappa' bulang se're.

PAMMILANGNGANG 28:16

Ri tanggala' sampulo angngappa' bulang se're, iami Allo Paska untu' Batara.

PAMMILANGNGANG 9:1

Ri bulang se're lalang taung makaruaya ri le'ba'namo nabokoi bansa Israel butta Mesir, a'bicarami Batara mae ri Musa ri parang lompona Sinai. Nakana Batara,

LUKAS 12:35

“A'jaga-jagako ilalang passala' apa-apa mamo. Musti tuli sadiako ammakeang siagang musti tuli a'rinrai lampunnu;

LUKAS 15:22

Mingka nakio'mi manggena sikamma palayanna na nakana, ‘Lintakko! Angngalleko pakeang kaminang ga'gaya, nanupipakeangi. Pipakei cincing karemenna, siagang pipakei sapatuna.

LUKAS 2:41

Taung-taungi mange tau toaNa Isa ri Yerusalem untu' ampakalompoi allo Lompo Paskaya.

LUKAS 7:38

Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.

1 KORINTUS 5:7

Pelaki rolong anjo pa'gambang salloa, iamintu dosaya, sollannu a'jari sanrapang labu' berua nileo', tangkasaka battu ri pa'gambanna dosa salloa. Nakuasseng angkanaya kamma mako anjo, lanri sadiami passua'-suarrang allo Paskata: Almasi a'jari sanrapang gimbala' Paska, le'baka nikoro'bangkang.

EFESUS 6:15

Paralluko tuli rella ambirittakangi Kabara' Bajika, angngeranga kasalewangang; pakemi anjo a'jari sanrapang pa'lapa' bangkennu.

PAOLE 16:1

“Pakalompoi Allo Lompo Paskaya ri bulang Abib untu' ampakala'biriki Karaeng Allata'alanu, nasaba' ri wattu iaminjo bulanga, ri wattu bangngina, naNalappassangko Batara battu ri Mesir.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.