KALAPPASSANG 11:4 - KITTA' MATANGKASA'

⁴ Nakana Musa ri karaenga, “Kammaminne kananNa Batara, ‘Kira-kira ri wattu tangnga bangngi la'lampa' anjappai sikontu butta Mesir.

KALAPPASSANG 11:4 ပူးပေါင်းရင်းမြစ်များ

2 SAMUEL 5:24

Punna nulangngere' sa'ra tau a'barrisika irate ri coppo'na anjo poko'-pokoka, maju mako, nasaba' iNakke la'jappa ri dallekannu untu' ambetai tantara Filistin.”

AYUB 34:20

Ri tangngana bangngia, ti'ring mate silalonna ke'nanga. Nahukkungi Allata'ala pamarentaya, na ancuru'mo ke'nanga; gampang sikali bateNa ambunoi ke'nanga tu barania.

PAMMUJI 60:10

Mingka Moab tampa' pa'bissang bangkengKu; akkio' rannuA' ri pammetangKu mae ri Filistea. Kupasambilai pa'lapa' bangkengKu a'jari pammatei angkana iNakke pata anjo.”

PAMMUJI 81:5

Saba' kammai anjo paratoranga ri Israel, se're parenta battu ri Allata'alana Yakub.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

AMOS 4:10

AppabattuA' garring mae ri kau sangkamma Kupabattua mae ri Mesir. Sikamma tau rungkanu Kubunoi lalang pa'bundukang, siagang sikamma jarannu Kurampasaki. Kubonei pakkemaannu siagang bakke-bakke sa'genna sanna' botto'na nuara'. Mingka manna pole nakamma, tena tongijapa nummotere' ri Nakke.

AMOS 5:17

Ri sikontu koko anggoroka, lappiraungi taua lanri battuA' anghukkungko. INakke Batara, anne akkana.”

MIKHA 2:13

LanynyungkeA' oloang nampa Kuerangko assulu' battu ri pammelakkanga. Lanulappoi pakke'bu'-pakke'bu' lompoa nampa bebasakko a'lampa. INakke KalengKu, Batara, Karaennu, siagang iNakke lampimpingko assulu'.”

MATIUS 25:6

Ri lantannamo bangngia, nampami nia' sa'ra akkio' angkana, ‘Nia' minjo mae bunting bura'nea! Umba niruppai!’