KALAPPASSANG 10:7 - KITTA' MATANGKASA'

⁷ Nakanamo sikamma pagawea ri karaenga, “Siapapi sallona anjo taua tuli assusaiki'? Lappassammi a'lampa ngaseng anjo tu Israelka untu' anggaukangi ibadana mae ri Batara, Allata'alana ke'nanga. Ciniki anne pa'rasanganta ancuru'mi!”

KALAPPASSANG 10:7 ပူးပေါင်းရင်းမြစ်များ

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

KALAPPASSANG 12:33

Nisuro karo-karomi tu Israel a'lampa ri tu Mesir, ambokoi anjo pa'rasanganga. Nakana ke'nanga, “Tena tamatena ngaseng ikambe punna tena nu'lampa ngaseng!”

KALAPPASSANG 23:33

Teako lappassangi ammantang anjo taua ri pa'rasangannu, sollanna tena nunynyomba ri rewata-rewatana ke'nanga na nudoraka mae ri Nakke. Punna anynyombako mae ri rewata-rewatana ke'nanga, tu'guru' mako antama' ri sikko'na kamateanga.”

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

KALAPPASSANG 8:19

sa'genna nakanamo anjo sikamma tau niaka pangngissenganna mae ri karaenga, “Anne panggaukanNa Allata'ala.” Mingka kapala batui anjo karaenga. Na kamma le'baka Napau Batara, taerokai anjo karaenga anjampangi kananna Musa siagang Harun.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

YESAYA 14:20

Le'ba'mi nupanraki pa'rasangannu siagang nubuno bansa kalennu. Lanri kammana anjo tenamo nitarawangko kau sangkamma karaeng-karaeng maraenga. Tena manna sitau battu ri anjo kaluarganu ja'dalaka lanipasalama'.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YEREMIA 48:4

Ancuru'mi Moab! Sa'ra karru' ana'-ana' ca'dina kalangngerangi sa'genna mange ri Zoar.

YEREMIA 51:8

Mingka ti'ring tu'guruki Babel na reppe'. Karrukimi Babel, siagang pa'boyammi pa'balle loko'-loko'na, gassingka akkulleji ammolle.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

1 KORINTUS 7:35

Yangasenna anne untu' kabajikang kalennu nakupauangko; teai lanri ero'nu kupisangkai appakamma anne yareka appakamma anjo. Ia kukaerokia iaji bawang angkanaya sollanna akkulle nugaukang apa-apa annabaya siagang apa-apa siratanga; kammayatompa sollanna akkulle nupasse're pikkirannu mae ri apa-apa Nakaerokia Batara.

YOSUA 23:13

u'rangi, angkanaya mattantu tenamo nalaNabongkai Karaeng Allata'alanu anjo bansa-bansaya untu' ikau ngaseng. Kabalekanna, la'jari bahaya lompoi anjo ke'nanga mae ri kau, nasaba' anjo ke'nanga la'jari sanrapang sikko' yareka tado' tattannanga untu' ikau. Nampa lanapa'jari sessa tongko ke'nanga; nasaba' anjo ke'nanga la'jari sanrapang paccambo' mae ri dongko'nu yareka sanrapang katinting lalang ri matannu. Tulusu' lasessako sa'genna manna sitau battu ri kau tania' lammantang tassesa ri anne pa'rasangang baji' Napassareanga Karaeng Allata'alanu mae ri kau.

1 SAMUEL 18:21

Napikkiriki angkana, “Baji'mi nakupappirarang Mikhal mae ri Daud, sollanna naalle sikko' Daud, nampa akkulle nibuno ri tu Filistin.” Jari untu' makapinruanna Saul nakanamo ri Daud, “Kamma-kamma anne akkulle mako a'jari mintungku.”

1 SAMUEL 5:11

Lanri kammana, nakio'mi ke'nanga sikamma karaenga ri Filistin untu' asse're. Nampa nakana ke'nanga, “Poterangi anjo Patti ParjanjianNa Allata'alana Israel mange ri tampa'na riolo, sollanna tena naNabunoki' siagang kaluargata.” A'jarimi karicuanga ri sikontu kotaya, lanri Nahukkungi Allata'ala pandudu'na, siagang hukkungang battala' sikalia.