KALAPPASSANG 10:6 - KITTA' MATANGKASA'

⁶ Balla' lomponu, sikamma balla'na pagawenu siagang balla'na ra'yaka larassi ngasengi katimbang. Anne balaya la'bi hebakkangngangi na sikamma bala le'baka nakasia' boe-boenu.’ ” Nampa nagilimmo kalenna Musa na'lampa.

KALAPPASSANG 10:6 ပူးပေါင်းရင်းမြစ်များ

KALAPPASSANG 10:11

Tena! Tu bura'neaji bawang akkulle a'lampa untu' anggaukangi ibadaya mae ri Batara, punna ma'nassa poro ero'nuji bawang anggaukangi ibadanu!” Kammaminjo kana-kananna karaenga, nampa nibongkamo Musa siagang Harun battu ri balla' karaenga.

KALAPPASSANG 11:6

Ri sikontu Mesir lania' kalangngerang sa'ra piraung lompo, tenaya nale'ba' kajariang baji' riolo kammayatompa ribokoanganna.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

KALAPPASSANG 8:21

Punna taerokako, lappabattuA' katingalo mae ri kau, mae ri sikamma pagawenu siagang ra'yaka. Sikamma balla'na tu Mesir, ba'lalo sikontu pa'rasanganga larassi siagang katingalo.

KALAPPASSANG 8:3

Anne Binanga Nil larassi siagang tumpang, sa'genna lassulu' anjo olo'-olo' kammaya battu lalang ri je'neka nampa antama' ri balla' kakaraengannu, antama' ri kamara' katinroannu siagang sikamma kamara' katinroanga, antama' ri sikamma balla'na sikamma pagawea siagang balla'na ra'yaka, ba'lalo antama' ri pattunuang rotia siagang panci-pancia.

KALAPPASSANG 9:18

Ammuko bari'basa', ri wattu kamma-kammaya anne, lappabattuA' bosi es sannaka heba'na, tenayapa nale'ba' kajariang ri Mesir battu riolo sa'genna kamma-kamma anne.

KALAPPASSANG 9:24

bosi eska ia sanna' dudua siagang nirurunganga ri kila' assisambung-sambunga. Iaminjo bosi es kaminang sannaka lalang ri riwaya'na Mesir.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

YO"EL 2:9

A'bakkai ke'nanga antama ri kotaya, nampa lari rate ri tembo'na. Angngambiki ke'nanga antama' ri sikamma ballaka; rapang palukka', antamaki ke'nanga battu ri jandelaya.

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.