KALAPPASSANG 10:25 - KITTA' MATANGKASA'

²⁵ Appialimi Musa angkana, “Punna kamma musti kisarei ikambe olo'-olo' piara untu' nipassareang siagang untu' a'jari koro'bang nitunu mae ri Batara, Allata'alana ikambe.

KALAPPASSANG 10:25 ပူးပေါင်းရင်းမြစ်များ

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

KALAPPASSANG 10:24

Jari nakio'mi Karaenga Musa na nakana, “Akkulle mako a'lampa mange anggaukangi ibadanu ri Bataranu. Sikamma bai'-bainea siagang ana'-anaka akkulle ngasengi a'lampa. Mingka sapinnu, gimbala'nu, siagang bembenu takkulleai nuerang.”

KALAPPASSANG 10:26

Sikontu olo'-olo' piarana ikambe musti naerangi ikambe; manna sikayu tania' lanaboli' ikambe. Iaminjo olo'-olo' piaraya lanapilei ikambe untu' napassareang ikambe mae ri Karaeng Allata'ala. Anjorempi nampa naasseng ikambe angkanaya olo'-olo' kereanga lanapassareang ikambe.”

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

KAIMANGNGANG 16:9

Bembe nipilea untu' Batara musti nipassareangi untu' koro'bang pammopporang dosa.

KAIMANGNGANG 9:22

Le'baki napassareang ngaseng anjo koro'banga, naangka'mi limanna Harun irateanna umma' Israel na nabarakkaki ke'nanga, nampa naung.