KALAPPASSANG 10:24 - KITTA' MATANGKASA'

²⁴ Jari nakio'mi Karaenga Musa na nakana, “Akkulle mako a'lampa mange anggaukangi ibadanu ri Bataranu. Sikamma bai'-bainea siagang ana'-anaka akkulle ngasengi a'lampa. Mingka sapinnu, gimbala'nu, siagang bembenu takkulleai nuerang.”

KALAPPASSANG 10:24 ပူးပေါင်းရင်းမြစ်များ

PA'JARIANG 34:23

Sallang sikamma olo'-olo'na ke'nanga siagang sikontu barang-baranna a'jari katte ngaseng pata. Jari umbamo nanisitujui anjo pappala'na ke'nanga sollanna ammantang ke'nanga siagang ikatte.”

KALAPPASSANG 10:25

Appialimi Musa angkana, “Punna kamma musti kisarei ikambe olo'-olo' piara untu' nipassareang siagang untu' a'jari koro'bang nitunu mae ri Batara, Allata'alana ikambe.

KALAPPASSANG 8:25

Nampa nakio'mi karaenga anjo Musa siagang Harun, na nakana, “A'lampamako mange assare koro'bang ri Allata'alanu, mingka anrinni mako bawang ri pa'rasanganga.”

KALAPPASSANG 8:28

Nakanamo karaenga, “Baji'mi, kulappassangko a'lampa mange ri parang lompoa untu' assare koro'bang mae ri Batara, Allata'alanu, assala' tenaja nu'lampa bella. U'rangi, na nupappala' doanganga'!”

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

KALAPPASSANG 9:28

Appala' doang mako mae ri Batara; ganna'mi kasessanna ikambe lanri anne gunturuka siagang bosi eska. Lakulappassang mako a'lampa. Tea' mako ammantangngi pole anrinni.”