KALAPPASSANG 10:20 - KITTA' MATANGKASA'

²⁰ Mingka nipa'jari kapala batui ri Batara anjo karaenga, sa'genna taerokai ampassareangi anjo bansa Israel a'lampa.

KALAPPASSANG 10:20 ပူးပေါင်းရင်းမြစ်များ

KALAPPASSANG 10:1

Nakanamo Batara ri Musa, “A'lampako mange andallekang ri karaenga. Le'ba'mi Kupa'jari kapala batu ngaseng siagang sikamma pagawena, sollanna akkulle Kugaukang gau'-gau' malompoa ri tangnga-tangngana ke'nanga,

KALAPPASSANG 10:19

Jari Napinrami Batara lampana anjo anginga a'jari anging battu lau', ia sannaka kancanna. Niirikammi ri anging anjo sikontu katimbanga nampa nierang mange ri Tamparang Alara'. Manna sikayu tania' ammantang ri sikontu pa'rasangang Mesir.

KALAPPASSANG 10:27

Nipa'jari kapala batui anjo karaenga ri Batara, sa'genna taerokai ampassareangi bansa Israel a'lampa.

KALAPPASSANG 11:10

Nagaukang ngasemmi Musa siagang Harun sikamma gau' malompoa ri dallekanna karaenga, mingka nipa'jari kapala batui ri Batara, sa'genna taerokai allappassangi tu Israel ambokoi Mesir.

KALAPPASSANG 3:19

Nampa Nakana pole Allata'ala, “Kuassengi angkanaya taerokai Karaeng Mesir allappassangko a'lampa, pantaranganna punna nipassai.

KALAPPASSANG 4:21

Nakana Batara ri Musa, “Le'ba' mako Kusare koasa untu' anggaukangi gau'-gau' malompoa. Jari punna ammotere' mako sallang ri Mesir, gaukammi anjo sikamma gau'-gau' malompoa ri dallekanna Karaeng Mesir. Mingka laKupa'jari terasaki pa'mai'na, sa'genna taeroka assarei ising untu' a'lampa anjo bansaya.

KALAPPASSANG 9:12

Mingka nipa'jari terasa' iji ulunna anjo karaenga ri Batara, na sangkamma le'baka Napau Batara, taerokai anjo karaenga anjampangi kananna Musa siagang Harun.

ROMA 9:18

Jari, iaji namangngamaseang Allata'ala mae ri se'rea tau punna Nakaerokangi kammaya. Kammayatompa a'jari kapala batui se'rea tau punna Nakaerokangi Allata'ala kammaya.

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.