KALAPPASSANG 10:13 - KITTA' MATANGKASA'

¹³ Naangka'mi Musa takkanna nampa appa'nia'mo Batara anging battu raya ammiri' ri anjo pa'rasanganga sila'busu'na alloa siagang sila'busu'na bangngia. Lanarapiki bari'basaka, angngerammi katimbang anjo anginga,

KALAPPASSANG 10:13 ပူးပေါင်းရင်းမြစ်များ

PA'JARIANG 41:6

Se're tangke napattimboi anjo bulereka. Nampa attimbomo pole tuju bulere' gandung maraeng, sannaka ngaseng roso'na, siagang opai napakamma anging parang.

PAMMUJI 105:34

Lanri parentaNa, battui katimbanga, teai sipato' jaina, takkulleai nirekeng jaina.

PAMMUJI 148:8

he kila' siagang bosi eska siagang rammanga, anging kancang mannurukia ri parentaNa Batara!

PAMMUJI 78:26

Nasuroi ammiri' anging battu rayaya; lanri koasaNa mammiriki anging battu timboroka.

PAMMUJI 78:46

Appabattui olo' siagang katimbang, ampaccappuki kattoanna siagang wassele' kokonna ke'nanga.

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

PANGNGEBARANG 30:27

Katimbang, olo'-olo' tena karaenna, mingka ta'atoroki barisanna.

YUNUS 1:4

Naungi Yunus ri tampa' kaminang irawaya nampa anra'ba anjoreng, sa'genna jannang tinrona. Nampa appabattu Batara anging lompo naung ri tamparanga, sa'genna lompo bombanga antunrungi anjo kappalaka a'biring niancuru'. Teaimi sipato' malla'na ana' kappalaka siagang akkiok-kio'mi ke'nanga appala' tulung, massing-massing mae ri rewatana ke'nanga. Sollanna tena natallang kappalaka, napela'mi sipa'gang luranna kappalaka antama' ri tamparanga.

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

MATIUS 8:27

Lannasa' ngasemmi ana' gurunNa Isa. Nakanamo ke'nanga, “Tau apamo anne kutaeng? Kamanna anginga siagang bombanga amminawang turu' todong ri parentaNa!”