KALAPPASSANG 1:20 - KITTA' MATANGKASA'

^20-21 Jari nibarakkakimi anjo ruaya sanro pamana' ri Allata'ala, lanri napakalompoi ke'nanga Allata'ala. Siagang pila' katambang napila' kassa' tommo tu Israel.

KALAPPASSANG 1:20 ပူးပေါင်းရင်းမြစ်များ

PAMMUJI 103:11

Mingka antekamma tinggina langika battu ri buttaya, kammaminjo lompo pangngamaseanNa mae ri tau mappilangngeria.

PAMMUJI 111:5

Nasarei dalle' tau mappilangngeria, siagang tuli Nau'rangi parjanjianNa.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 61:5

Boli'mi kamma kunnumpang ri kemaTa lalang sikontu umurukku, sollangku amang lalang ri la'lanna ka'nyitTa.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

KALAPPASSANG 1:12

Mingka pila' nijallakkangi ke'nanga ri tu Mesir, pila' katambangi jaina anjo tu Israel. Pila' a'la'bammi ke'nanga mae ri sikontu anjo pa'rasanganga, sa'genna a'jari malla'mo tu Mesir ri ke'nanga.

KALAPPASSANG 1:19

Appialimi ke'nanga angkana, “Anjo bai'-baine tu Ibrania tena nasangkamma bai'-baine tu Mesirka. Anjo ke'nanga lammoro' sikali punna ammanaki. Tenapa nabattu sanro pamanaka, nalassu' memammo ana'na ke'nanga.”

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

MATIUS 10:42

Inai-nai assarei je'ne' inung kalase'renna tau tuna dudua, manna naje'ne' dinginja, passabakkang amminawanna ri Nakke, patappa'mi angkanaya tena tanggappana pahala sallang!”

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

LUKAS 1:50

Sossorang mange ri sossorang tuli nikamaseang ri Batara tau mallaka ri Ia.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.