KALAPPASSANG 1:17 - KITTA' MATANGKASA'

¹⁷ Mingka anjo ruaya sanro pamana', tau malla' ngaseng mae ri Allata'ala. Taerokai ke'nanga anggaukangi anjo apa naparentakanga karaenga; nalappassanji attallasa' sikamma ana' lolo bura'nea.

KALAPPASSANG 1:17 ပူးပေါင်းရင်းမြစ်များ

PA'JARIANG 20:11

Appialimi Abraham angkana, “Kupikkiriki angkanaya tena sikali tau malla' ri Allata'ala anrinni, sa'genna akkullea' nabuno taua ia eroka mae ri bainengku.

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

2 SAMUEL 24:4

Mingka tuli terasa'na karaenga ri parentana anjo. Jari a'lampami Yoab siagang sikamma perwira tantarana untu' ansuro bilangi bansa Israel.

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

ESTER 3:3

Akkuta'nangi ri ia sikamma pagawe maraenga ri balla' karaenga angkana angngapa natanaturukia parentana karaenga.

PAMMUJI 31:19

Kitongkoki bawana tu paballe-ballea tu borroa ancau-caui tu lambusuka.

KALAPPASSANG 1:18

Jari nikio'mi anjo ruaya sanro pamana' ri karaenga. Akkuta'nammi karaenga angkana, “Angngapa nulappassangi attallasa' ana'-ana' lolo bura'nea?”

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.

DANIEL 6:13

a'lampa ngasemmi ke'nanga mange andallekang ri karaenga untu' antuntuki Daniel. Nakana ke'nanga, “Sai le'ba' maki' karaeng annekeng sura' parenta, ampisangkai sikontu taua lalang anne tallumpulo alloa untu' appala' doang mae ri kalase'renna rewataya yareka rupataua pantaranganna mae ri katte bawang? Kammayatompa angkanaya inai-nai andakkai anjo parentaya lanipasambilai antama' ri leang singaya?” Appialimi karaenga angkana, “Memang, siagang anjo parentaya a'jari undang-undangi mae ri Media siagang Persia, tenaya nakkulle nibeso' ammotere'!”

HOSEA 5:11

Nijallakkangi Israel; nialleangi buttana, lanri terasa'na nyawana untu' appala' tulung mae ri apa-apa tenaya nakkulle antulungi.

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

LAMPA-LAMPANA 5:29

Appialimi Petrus siagang agang-aganna, angkana, “Musti ero'Na Allata'ala naturuki ikambe, teai ero'na rupataua.

1 SAMUEL 22:17

Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.