KALAPPASSANG 1:14 - KITTA' MATANGKASA'

¹⁴ siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

KALAPPASSANG 1:14 ပူးပေါင်းရင်းမြစ်များ

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

1 KARAENG-KARAENG 12:14

Na situru' pappakainga'na anjo tau rungka-rungkaya, nakanamo, “Nasareko manggeku tanggongang battala', mingka lakupa'jari battallangngangi pole anjo tanggongannu. Nacambokko siagang paccambo', mingka inakke lakucambokko siagang paccambo' akkatintinga bassi!”

PAMMUJI 129:1

Kelong siara. He Israel, paui antekamma batenu nisessa ri musu battu ri rungkanu.

PAMMUJI 68:13

“Larimi sikamma karaeng-karaenga siagang pasukanna!” Lari ke'nanga sanrapang jangang-jangang bodobangkeng a'lampa anri'ba'. Sikamma bainea ri balla' a'bage-bage pera' siagang bulaeng nabokoia ke'nanga. Manna najai tena namminawang a'bundu', mingka ammetami umma'Na Allata'ala.

PAMMUJI 81:6

Napa'jari se're katantuang mae ri bansa Israel, ri wattunna maju angngewai Mesir. Allangngereka' bicara tenaya nakuassengi, angkana,

KALAPPASSANG 1:11

Jari angngangka'mi tu Mesir siapa are jaina pajaga mae ri bansa Israel untu' ampakasukkaraki katallassanna ke'nanga, iamintu nasuroi tu Israel anjama terasa'. Nipassai ke'nanga ambangungi kota Pitom siagang Raamses, untu' karaeng Mesir untu' a'jari pammolikang barang-barang.

KALAPPASSANG 1:13

Jari pila' sekke'mi ke'nanga anjallakkangi tu Israel,

KALAPPASSANG 1:15

Appassulu'mi parenta Karaeng Mesir mae ri sanro pamana' niarenga Sifra siagang Pua; anne ruaya sanro pamana' biasai natulung bai'-baine tu Ibrania punna lammana' ke'nanga.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 6:9

Nampa Nakanamo Batara mae ri Musa,

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

YESAYA 10:24

Nakana Batara Kaminang Makoasaya mae ri umma'Na ammantanga ri Sion, “Teako mallakki mae ri tu Asyur, manna pole najallakkangko siagang nasessako ke'nanga kamma nagaukanga tu Mesir riolo.

YESAYA 14:6

larroa anjallakkangi bansa-bansaya siagang tulusu' ansessayai ke'nanga.

YESAYA 51:23

Anjo passessaya Kupabattui mae ri tau anjallakkangako, le'baka assuroko attinro naung ri buttaya, na naonjo'-onjokangko, rapangko agang naoloa tau.”

YESAYA 52:5

Kamma-kamma anne apa urusangKu anrinni? Natahangko tu Babel, na natahang bawang-bawang jako. Anjo tau anjallakkangako tulusu' napattampoanna kalenna siagang nahinA'.

YESAYA 58:6

Iaminne puasa Kukaerokia: La'gasi sikko' panjallakkanga siagang battala'na gau' tenaya naadele', siagang lappassangi tau nijallakkanga.

KAIMANGNGANG 25:43

Jari tu Israel ambalukangai kalenna mae ri kau takkulleako a'gau' kasara' mae ri ia. Paralluko malla' mae ri Allata'alanu.

KAIMANGNGANG 25:46

siagang akkulle tongi nupa'jari warisi' mae ri sikamma ana'nu untu' a'jari atanna ke'nanga lalang sikontu tallasa'na. Mingka sangkammannu tu Israel takkulleai nukasarri.

KAIMANGNGANG 25:53

sanrapang angkanaya nisaremi gaji attaung. Anjo karaenna takkulleai a'gau' kasara' mae ri ia.

MIKHA 3:3

Nukanrei bansaku. Bukkulenna nukae-kaei siagang buku-bukunna nuancuruki. Nupolong-polongi ke'nanga rapang tau ammolonga dageng untu' nipantama' ri uringa.

NAHUM 3:14

Anynye'ro' mako je'ne' untu' nupasadia lalang siapa sallonu nikurung, siagang pakkassakammi sikamma tembo'-tembo' pattahangannu! Onjo'-onjokammi peoka untu' appare' batu eja, siagang pasadiami sikamma kataranna!

PAMMILANGNGANG 20:15

Boe-boena ikambe a'lampai mange ri Mesir nampa ammantang anjoreng attaung-taung sallona. Nampa anjo boe-boena ikambe siagang kalenna ikambe nigau' tabaji'-baji' maki' ri bansa Mesir,

LAMPA-LAMPANA 7:19

Anjo karaenga napare' karek-karenammi bansata, siagang sanna'mi nakapallakkina boe-boeta. Napassami boe-boeta ampelaki ana'-ana' lolona punna lassu' sollanna nibawang-bawangngang na mate anjo ana' loloa.

LAMPA-LAMPANA 7:34

Kucini'mi siagang Kuparhatikammi antekamma pa'risi'na katallassanna ummakKu ri Mesir. Kulangngere'mi kunrarenna ke'nanga, naKunaummo ero' allappassangi ke'nanga. Kamma-kamma anne, mae mako! LaKusuroko ammotere' mange ri Mesir.’

PAOLE 26:6

Sekke' sikalimi panggaukanna tu Mesir mae ri kambe, siagang napassami ikambe anjama sangkamma ata.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

RUT 1:20

Nakanamo Naomi, “Teako kiokia' Naomi; kio' mama' Mara, nasaba' le'ba'ma' Nabalang parekang Allata'ala Kaminang Koasaya attallasa' lalang ri kapa'risang lompoa.