KAIMANGNGANG 8:9 - KITTA' MATANGKASA'

⁹ Nampa napataba soro'banga ri ulunna Harun; anjo soro'banga napatabai belo-belo bulaeng, a'jaria pammatei angkanaya anjo Harun a'jarimi Batara pata. Yangasenna anjo nagaukangi Musa situru' parentaNa Batara mae ri ia.

KAIMANGNGANG 8:9 ပူးပေါင်းရင်းမြစ်များ

KALAPPASSANG 28:4

Suro tongi ke'nanga appare' pattongko' barambang, efod, juba, kameja nisulang, soro'bang siagang passikko' aya'. Anjo pakeang imanga musti napareki ke'nanga untu' daennu Harun siagang sikamma ana'na sollanna akkulle allayaniA' salaku imang.

KALAPPASSANG 29:6

Patabai anjo soro'banga ri ulunna siagang patabai anjo belo-belo bulaeng niaka ta'ukiri', ‘Nisa'laki untu' Batara’, mae ri anjo soro'banga.

KALAPPASSANG 40:16

Nagaukammi Musa sikontu anjo apa Naparentakanga Batara.

KAIMANGNGANG 8:36

Nampa nagaukammi Harun siagang sikamma ana'na sikontu apa Naparentakanga Batara tete ri Musa.

ZAKHARIA 3:5

Naparentakammi mae ri pambantu-pambantuna untu' ampitabai soro'bang tangkasa' ulunna Yosua. Naturukimi ke'nanga anjo passuroa. Le'baki anjo napipakeimi ke'nanga pakeang beru anjo Yosua na nijagai ri malaeka'Na Batara.