KAIMANGNGANG 8:8 - KITTA' MATANGKASA'

⁸ Nampa napataba pa'lapa' barambanga ri barambanna Harun, siagang napantama'mi ri anjo pa'lapa' barambanga anjo nikanaya Urim siagang Tumim.

KAIMANGNGANG 8:8 ပူးပေါင်းရင်းမြစ်များ

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

NEHEMIA 7:65

Guburnurna daera Yehuda tanapa'biangai ke'nanga angnganre kanre nipassareanga mae ri Allata'ala, sa'genna nia' sitau imang akkulle appala' pitunju' ammake Urim siagang Tumim.

KALAPPASSANG 29:1

“Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

KELONG MALA'BIRI' 8:6

Pa'jaria rappo ri atinnu, teako nia' maraeng nuraka' pantaranganna inakke; lanri anjo passingaianga sangkammai kassa'na kamateanga, na anjo napasua makoasai rapang kamateang. Rinrana rapangi rinrana pepeka a'rinra sannaka heba'na.

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

EFESUS 6:14

Paralluko tuli jaga-jaga. Pakei katojenganga sanrapang passikko' aya'nu, siagang katangkasanga sanrapang pa'lapa' barambannu.

PAOLE 33:8

Ri sesena suku Lewi nakana: “Lanri Urim siagang Tumim na'nyata erotTa, tete ri tu Lewi, ata tamamminraTa. Kiso'ri ke'nanga ri Masa, a'gea' siagang ke'nanga ri bungung Meriba.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.