KAIMANGNGANG 8:34 - KITTA' MATANGKASA'

³⁴ Naparentakangi Batara sollanna anne apa nigaukanga anne alloa nigaukangi pole situlusu'na. Lanri iaminne upacaraya na nipammopporang dosa-dosanu.

KAIMANGNGANG 8:34 ပူးပေါင်းရင်းမြစ်များ

KAIMANGNGANG 8:33

Lalang tuju allo takkulleako ambokoi KemaNa Batara sa'genna le'ba' anne upacara pallantikannu.

KAIMANGNGANG 8:35

Lalang tuju allo, allo bangngi, musti ammantang ngasengko ri dallekang pakke'bu'na Kemaya untu' anggaukangi apa Naparentakanga Batara. Punna tena nugaukangi, lamate ngasengko. Iaminjo Naparentakanga Batara mae ri nakke.”

IBRANI 7:16

Niangkaki a'jari imang, teai lanri paratorang-paratoranna rupataua, passangalinna lanri makoasana ri tallasa'na siagang lanri tenana kala'busanna katallassanna.

IBRANI 7:27

Tasangkammayai imang-imang lompo maraenganga, allo-alloa angngerang koro'bang lanri dosa-dosa kalenna rolong, nampa koro'bang lanri dosa-dosana ummaka. Isa, sikaliji bawang angngerang koro'bang untu' satunggu-tungguna, iamintu ri wattunna Napassareang KalenNa a'jari koro'bang.