KAIMANGNGANG 8:33 - KITTA' MATANGKASA'

³³ Lalang tuju allo takkulleako ambokoi KemaNa Batara sa'genna le'ba' anne upacara pallantikannu.

KAIMANGNGANG 8:33 ပူးပေါင်းရင်းမြစ်များ

KALAPPASSANG 29:30

Ana'na Harun ansambeangai manggena a'jari imang siagang antamaka ri KemaKu untu' anggaukangi ibadana ri Kamara' Matangkasaka, musti napakei anjo pakeanga tuju allo sallona.

KALAPPASSANG 29:35

Anjo upacara palantikanna Harun siagang ana'-ana'na musti tuju alloi nigaukang, kamma le'baka Kuparentakang mae ri kau.

KAIMANGNGANG 14:8

Nampa anjo jangang-jangang attallasaka ija musti nalappassangi ri paranga. Nampa anjo taua musti nasassai pakeanna, nacukkuru' ngasengi uu'na, siagang a'je'neki. Jari tangkasa'mi anjo taua siagang akkullemi antama' ri pakkemaanga, mingka lalanna tuju alloa pole takkulleapi antama' ri kema kalenna.

KAIMANGNGANG 15:13

Punna a'jari baji'mo anjo taua, musti attayangi pole tuju allo. Le'baki anjo musti nasassai pakeanna siagang a'je'neki ri timbuseng je'neka, na'jari tangkasa'.

KAIMANGNGANG 8:34

Naparentakangi Batara sollanna anne apa nigaukanga anne alloa nigaukangi pole situlusu'na. Lanri iaminne upacaraya na nipammopporang dosa-dosanu.

PAMMILANGNGANG 19:12

Ri allo makatallua siagang makatujua musti natangkasi kalenna siagang je'ne' upacara; punna le'baki, nampami a'jari tangkasa'. Mingka punna ri makatalluna alloa siagang ri makatujuna alloa tena natangkasi kalenna, tuli ra'masa'na.