KAIMANGNGANG 8:31 - KITTA' MATANGKASA'

³¹ Nampa nakanamo Musa mae ri Harun siagang sikamma ana'na, “Pallui anjo dageng koro'banga ri dallekang pakke'bu' KemaNa Batara. Situru' parentaNa Batara, musti nukanrei anjoreng siagang roti koro'bang pallantikang niaka lalang ri bakuka.

KAIMANGNGANG 8:31 ပူးပေါင်းရင်းမြစ်များ

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 6:28

Uring butta le'baka nipake untu' ampallui anjo dageng koro'banga musti nireppeki. Punna uring bassi nipake, anjo uring bassia musti nitangkasi nikeso' nampa nitangkasi siagang je'ne'.

KAIMANGNGANG 7:15

Dagenna musti nikanre memang ri allo nipassareanna anjo olo'-oloka, manna sike'de' takkulleai niboli' sa'genna ammuko bari'basa'.

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

YOHANES 6:35

Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.