KAIMANGNGANG 8:30 - KITTA' MATANGKASA'

³⁰ Le'baki anjo naallemi Musa sipa'gang minynya' upacaraya siagang sipa'gang cera' niaka rate ri tampa' pakkoro'bangnganga, nampa naparacci' mae ri Harun siagang sikamma ana'na kammayatompa mae ri pakeanna ke'nanga. Kammaminjo carana Musa nanasa'la'mo ke'nanga siagang pakeanna ke'nanga untu' Batara.

KAIMANGNGANG 8:30 ပူးပေါင်းရင်းမြစ်များ

KALAPPASSANG 28:2

Apparekko pakeang imang untu' Harun, sollanna la'biri' nicini'.

KALAPPASSANG 29:21

Allei sike'de' cera' niaka irate ri tampa' pakkoro'bangnganga siagang sike'de' minynya' upacara, nampa nupiracciki Harun siagang ana'-ana'na kammayatompa pakeanna ke'nanga. Kammaminjo carana Harun siagang ana'-ana'na kammayatompa pakeanna ke'nanga nisa'la' untu' iNakke.

KALAPPASSANG 30:30

Minynyaki tongi Harun siagang ana'-ana'na sollanna nilanti' ke'nanga a'jari imang untu' allayaniA'.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

KAIMANGNGANG 7:35

Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

KAIMANGNGANG 7:36

Ri anjo alloa Batara Naparentakangi mae ri bansa Israel sollanna anjo battua ri passarena ke'nanga, iaminjo a'jari bageanna sikamma imanga. Anjo paratoranga musti naturuki bansa Israel sa'genna satunggu-tungguna.

KAIMANGNGANG 8:12

Le'baki anjo nalanti'mi Musa anjo Harun; natiriki sike'de' minynya' upacara irate ri tompo' ulunna.

PAMMILANGNGANG 3:3

Nilantiki ke'nanga a'jari imang siagang upacara iamintu nitiriki minynya' tompo' ulunna ke'nanga.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.