KAIMANGNGANG 8:23 - KITTA' MATANGKASA'

²³ nampa nasamballe Musa. Le'baki anjo naallemi sike'de' cera'na anjo olo'-oloka, nampa napasapu ri leko' tolinna Harun ri kananga, ri anrong lima kananna, kammayatompa ri anrong bangkeng kananna.

KAIMANGNGANG 8:23 ပူးပေါင်းရင်းမြစ်များ

KALAPPASSANG 29:20

Nampa nupolong anjo gimbala' lakia; allei sike'de' cera'na nampa pasapui ri leko' tolinna bageang ri kananga Harun siagang ana'-ana'na, ri anrong karemeng bangkenna ri kananga siagang ri anrong karemeng lima kananna ke'nanga. Sesanna anjo ceraka musti nupatiriki mae ri appaka sa'rinna tampa' pakkoro'bangnganga.

KALAPPASSANG 29:21

Allei sike'de' cera' niaka irate ri tampa' pakkoro'bangnganga siagang sike'de' minynya' upacara, nampa nupiracciki Harun siagang ana'-ana'na kammayatompa pakeanna ke'nanga. Kammaminjo carana Harun siagang ana'-ana'na kammayatompa pakeanna ke'nanga nisa'la' untu' iNakke.

KAIMANGNGANG 14:14

Musti angngallei imanga sike'de' cera' ana' gimbala' nampa napasapu mae ri leko' toli kananna, ri anrong lima kananna siagang ri anrong bangkeng kananna anjo tau lanipa'jari tangkasaka.

KAIMANGNGANG 14:17

Nampa anjo minynya' sike'deka ri limanna musti napasapui mae ri tampa'-tampa' le'baka nisapui cera', iamintu ri leko' toli kananna, ri anrong lima kananna siagang ri anrong bangkeng kananna anjo tau eroka nipa'jari tangkasa'.

KAIMANGNGANG 14:25

Nampa imanga musti nasamballei anjo ana' gimbalaka siagang napasapui sike'de' cera'na mae ri leko' toli kananna, ri anrong lima kananna siagang ri anrong bangkeng kananna anjo tau eroka nipa'jari tangkasa'.

KAIMANGNGANG 14:28

Nampa anjo sike'deka minynya' ri limanna musti napasapui mae ri tampa'-tampa' le'bakamo nisapui cera', iamintu ri leko' toli kananna, ri anrong lima kananna, siagang ri anrong bangkeng kananna anjo tau eroka nipa'jari tangkasa'.

KAIMANGNGANG 7:37

Kammaminjo paratorang paratoranga ri passala'na koro'bang nitunua, koro'bang nipatalaya, koro'bang pammopporang dosaya, koro'bang passambe karugianga, koro'bang pallantikanga siagang koro'bang passiamakkanga.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

ROMA 6:13

Tea tongko passareangi tubunu mae ri kakoasanna dosaya nanipake anggaukangi kaja'dallanga. Passangalinna passareangi kalennu mae ri Allata'ala, a'jari tau le'bakamo nipalette' battu ri kamateanga mae ri katallassanga. Passareangi sikontu batangkalennu mae ri Allata'ala, sollanna nipakei anggaukangi ero'Na Allata'ala.

ROMA 6:19

Nasaba' sukkara' sikali nupahang, ammakema' pangngebarang mae ri nikanaya a'jari ata sollanna gampang nupahang. Riolo nupassareangi sikontu batangkalennu a'jari ata mae ri apa-apa ra'masaka siagang panggaukang ja'dalaka untu' kaja'dallanga. Kamma tomminjo ri kamma-kammaya anne, musti nupassareangi sikontu batangkalennu a'jari ata mae ri ero'Na Allata'ala, untu' anggaukangi ero'Na bawang Allata'ala.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 6:20

Le'ba' mako Naballi Allata'ala, siagang lappasa'mi ballinnu. Lanri kammana, katutuimi anjo batangkalennu, sollanna akkulle nupa'matu-matu untu' ampakala'biriki Allata'ala.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

FILIPI 2:17

Nakulle kapang lanibunoa' siagang latassolongi cerakku anjari sangkamma koro'bang nipatirika irate ri apa nupassareanga mae ri Allata'ala anjari' pammatei angkana tappakko ri Ia. Punna memang musti kammai anjo, appala' sukkuruka', siagang amminawang tonga' rannu siagang ikau ngaseng.

1 TESALONIKA 5:22

Pakabellai kalennu battu ri sangka' rupaya kaja'dallang.

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

IBRANI 5:8

Isa Iami Ana'Na Allata'ala; mingka manna nakamma, appilajara'mi a'jari tu mappilangngeri lalang ri kapa'risanNa.