KAIMANGNGANG 8:14 - KITTA' MATANGKASA'

¹⁴ Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

KAIMANGNGANG 8:14 ပူးပေါင်းရင်းမြစ်များ

PAMMUJI 66:15

Kupassareangi mae ri Katte koro'bang nitunu battu ri olo'-olo' nipilea, bembe, gimbala', siagang sapi laki, a'rumbui umbunna nai' ri langika.

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

YEHEZKIEL 43:19

Imang jari-jarinaji bawang Imang Zadok battu ri suku Lewi akkulle battu mae ri dallekangKu untu' anggaukangi ibadaya. INakke, Batara Kaminang Tinggia amparentakangi anjo passalaka. Sarei ke'nanga sikayu sapi laki rungkaya untu' koro'bang pannangkasi dosa.

YEHEZKIEL 43:20

Allei sike'de' cera'na nampa nupasapu mae ri sikamma tanruka ri appaka panyingkulu' coppo'na anjo tampa' pakkoro'bangnganga, kammayatompa sikamma panyingkulu' bageang tangngana siagang ri tammulilina birinna anjo tampa' pakkoro'bangnganga. Kammami anjo caranu antangkasi anjo tampa' pakkoro'bangnganga siagang nusa'laki untu' iNakke.

YEHEZKIEL 44:27

nampa a'lampa mange ri paranglakkenna BallakKu, siagang assare koro'bang untu' antangkasi kalenna sollanna akkulle tugasa' ammotere' ri BallakKu. INakke, Batara Kaminang Tinggia, anne akkana.

KAIMANGNGANG 1:4

Nampa musti napadongkoki limanna irate ri tompo' ulunna anjo olo'-oloka, na Natarimamo Batara anjo passarena untu' nipammopporang dosana.

KAIMANGNGANG 16:21

Musti napadongkoki rua-rua limanna irate ri tompo' ulunna anjo bembea nampa naakui ngaseng sikontu kasalanna, dosana siagang gau' salana bansa Israel. Lanri kammana anjo nipalette' ngasemmi sikontu kasalanna bansa Israel mae ri ulunna anjo bembea. Nampa kalase'renna tau nisarea tugasa' musti nabongkai anjo bembea mange ri parang lompoa.

KAIMANGNGANG 16:6

Musti napassareangi Harun sikayu sapi laki untu' koro'bang pammopporang dosa mae ri kalenna siagang sikontu kaluargana.

KAIMANGNGANG 4:15

Sikamma pamimping bansaya musti napadongkoki limanna ke'nanga ri tompo' ulunna anjo olo'-oloka, nampa nasamballe ri anjo tampaka.

KAIMANGNGANG 8:2

“Kioki Harun siagang sikamma ana'na siagang erangi pakeang imanga, minynya' upacaraya, sikayu sapi laki rungka untu' koro'bang pammopporang dosa, ruang kayu gimbala' laki siagang sibaku' roti tenaya nammake pa'gambang.

PAMMILANGNGANG 8:12

Nampa tu Lewia musti napadongkoki limanna ke'nanga irate ri tompo' ulunna anjo ruaya sapi laki; anjo sikayua musti nipassareangi untu' koro'bang pammopporang dosa, nampa anjo sikayua pole untu' koro'bang nitunu. Kammaminjo upacarana nanitangkasi tu Lewi.

ROMA 8:3

Apa tenaya nakkulle nagaukang hukkung-hukkung agamaya, lanri lammana batangkalenta ikatte rupataua, iaminjo le'ba' Nagaukang Allata'ala. Le'ba'mi Nabeta Allata'ala koasana dosaya lalang ri sipa'na rupataua; iamintu lalang Nasurona battu Ana' KalenNa, le'bakamo battu sanrapang rupatau dorakaya, sollanna Natangkasi dosa-dosata.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.