KAIMANGNGANG 7:18 - KITTA' MATANGKASA'

¹⁸ Mingka punna ri makatalluna alloa na nikanre ija anjo dagenga, tenamo nalanitarima anjo koro'banga siagang tenamo nalangngerang barakka' mae ri kalenna anjo tau angngeranga koro'bang, ba'lalo a'jari harammi. Inai-nai angkanrei, salai anjo taua, siagang musti natanggongi kodina.

KAIMANGNGANG 7:18 ပူးပေါင်းရင်းမြစ်များ

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

YESAYA 65:4

Punna bangngi a'lampai ke'nanga mange ri kali'bong-kali'bong batua siagang sikamma kuburuka untu' appala' tangara' mae roh-rohna alusuka. Angnganrei ke'nanga dageng bawi siagang angnginungi je'ne' dageng haranga.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

YEREMIA 14:10

Ri passala'na anjo bansaya Nakana Batara, “Tena Kusannang mae ri sikamma anjo tau nangaia lari a'lampa ambokoiA', siagang tenaya naero' allewai kalenna. Tena nalaKukaluppai kasalanna ke'nanga; laKuhukkungi ke'nanga lanri dosana ke'nanga.”

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEHEZKIEL 18:20

Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 10:19

Appialimi Harun angkana, “Memang anne alloa le'ba'mi umma' Israel assare koro'bang pammopporang dosa siagang koro'bang nitunu untu' Batara. Mingka manna nakamma anjo, anne balaya natujuma'. Ebara' angkana anne alloa kukanre tongi anjo koro'bang pammopporang dosaya, apaka lasannangi nyawaNa Batara?”

KAIMANGNGANG 11:41

Sikontu olo'-olo' a'lemereka irate ri tompo'na buttaya, baji' nakkaloloka, appaka bangkenna yareka jai bangkenna, harangi siagang takkulleai nikanre.

KAIMANGNGANG 17:16

Punna tena nagaukangi kammaya anjo, musti natanggongi kodina kale'bakkanna.

KAIMANGNGANG 19:5

Punna assareko olo'-olo' untu' koro'bang passiamakkang, pinawangi paratorang-paratorang Kupassareanga, sollanna Kutarima anjo koro'banga.

KAIMANGNGANG 20:17

Punna nia' tu bura'ne a'gau' bawang siagang sari'battang bainena yareka sari'battang julu mangge namaraeng amma'na, yareka sari'battang julu amma' namaraeng mangge, tenamo nanibilangi ke'nanga anggota ummakKu. Ampanggaukang tasilolongammi ke'nanga siagang musti natanggongi kodina kale'bakkanna.

KAIMANGNGANG 20:19

Punna nia' tu bura'ne a'gau' bawang siagang purinanna bainea, anjo tau ruaya musti natanggongi kodina kale'bakkanna lanri anjo panggaukanna ke'nanga.

KAIMANGNGANG 22:16

lanri nalappassanna nakanre tau tenaya nakkulle angkanrei anjo passarea. Anjo kammaya napa'jari salami anjo taua siagang lanitujui ri hukkungang. INakke Batara, siagang iNakke ampakatangkasaki anjo passarea.”

KAIMANGNGANG 22:23

Untu' koro'bang ero' kalennu, akkulleko assare olo'-olo' tenaya nabaji' kalenna; mingka punna untu' anrupai tinja', anjo olo'-olo' kammaya tena nakkulle nitarima.

KAIMANGNGANG 22:25

Olo'-olo' piara nigappaya battu ri bansa maraenga takkulleai nipassareang untu' koro'bang kanre-kanreang. Olo'-olo' kammaya anjo nibilang niaki callanna siagang takkulleai nitarima.

KAIMANGNGANG 5:17

Punna nia' tau tena nakunjungi anggaukangi dosaya lanri nadakkaina kalase'renna parentaNa Batara, anjo taua salai siagang musti natanggongi kodina anjo kasalanna.

KAIMANGNGANG 7:19

Dageng nitabaya ri apa-apa ra'masa' musti nitunui sa'genna cappu' siagang takkulleai nikanre. Dageng koro'bang passiamakkanga, tau tenaya bawang nara'masa' akkulle angkanrei.

AMOS 5:22

Punna angngerangko koro'bang nitunu siagang koro'bang gandung, tena nalaKutarima. TaeroKa' antarimai anjo olo'-olo'nu co'moka nupassareanga mae ri Nakke salaku koro'bang passiamakkang.

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

MALEAKHI 1:13

Nukana ngaseng, ‘Lanremaki' mae ri sikammaya ngaseng anjo’, nampa nubawang-bawangngangA'. Angngerangko olo'-olo' nilukka', olo'-olo' pesoka yareka garringa untu' nupassareang mae ri Nakke. Nupikkiriki angkana erokKa' antarimai anjo passare kammaya?

PAMMILANGNGANG 18:27

Anjo passare nisa'laka musti nibilang sangkammai siagang passare gandung berua siagang anggoro' berua.

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.