KAIMANGNGANG 6:4 - KITTA' MATANGKASA'

^4-5 Anjo tau kasalanga musti nabayaraki ammotere' sikontu apa nagappaya ri oloang tenaya nalambusu'. Punna kaassengangi kasalanna, musti a'bayara' gannaki mae ri patanna, nampa nitambai ruampulo parseng.

KAIMANGNGANG 6:4 ပူးပေါင်းရင်းမြစ်များ

PA'JARIANG 21:25

Mingka ribokoanganna nasassala'mi Abraham anjo Abimelekh passabakkang se're bungung naalle passaya sikamma atanna anjo karaenga.

NEHEMIA 5:11

Ero'na ikau pole tea' mako pabayaraki inranna anjo ra'ya' angnginranga ri kau, baji' na'rupa doe', kammayatompa a'rupa anggoro' yareka minynya' zaitun. Poterangi linta' kokonna, koko anggoro'na, koko zaitunna kammayatompa balla'na ke'nanga!”

AYUB 20:19

Saba' najallakkangi siagang napakkasi-asi tau tenaya apa-apanna; narampasaki balla' tenaya nabangungi.

AYUB 24:2

Nia' tau appalesso' tanra pa'baeng-baeng, sollanna a'jari luara' tampa'na. A'lukkaki ke'nanga sipa'rappungang gimbala', nampa nabara ri barana ke'nanga.

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEHEZKIEL 18:18

Kabalekanna, manggena nangaia annipu, angngella' siagang anggaukangi kaja'dallang maraengannaya, lamatei lanri dosa-dosa nagaukanga kalenna.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

YEHEZKIEL 44:19

Punna a'lampai ke'nanga assulu' ri paranglakkeng pantaranga, iamintu tampa' pa'rappunganna ummaka, anjo imang-imanga musti nasungkei pakeang dinasa'na ke'nanga ilalang ri kamara'-kamara' matangkasaka ri BallakKu, nampa ammake pakeang maraeng, sollanna anjo pakeang matangkasaka tena nabalai ummaka.

KAIMANGNGANG 24:18

Inai-nai ambunoi olo'-olo'na paranna tau, musti nasambei anjo olo'-oloka. Dasara'na anne hukkunga iamintu ‘nyawa nisambei nyawa’.

KAIMANGNGANG 24:21

Inai-nai ammuno olo'-olo'na paranna tau, musti nasambei; mingka inai-nai ambunoi paranna tau musti nihukkung matei.

KAIMANGNGANG 4:12

jari yangasenna, pantaranganna bageang le'baka nisa'la', musti nierangi assulu' ri pantaranganna pakkemaanga. Anjoreng, anjo sapia musti nitunui irate ri kayu pepe' tampa' pammelakkang aua, iamintu tampa' le'baka nisa'la'.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

ZEFANYA 1:9

LaKuhukkungi sikontu tau anggaukangai ibadaya sangkamma tau tenaya natappa' mae ri Nakke, siagang tau a'lukkaka kammayatompa tau ammunoa untu' ampirassi balla'na pinggawana ke'nanga siagang barang-barang nirampasa'.”

MALEAKHI 1:13

Nukana ngaseng, ‘Lanremaki' mae ri sikammaya ngaseng anjo’, nampa nubawang-bawangngangA'. Angngerangko olo'-olo' nilukka', olo'-olo' pesoka yareka garringa untu' nupassareang mae ri Nakke. Nupikkiriki angkana erokKa' antarimai anjo passare kammaya?

PAMMILANGNGANG 5:7

anjo taua musti namangakui dosana siagang a'bayaraki pappasulu' siganna'na, nampa nitambai ruampulo parseng mae ri anjo tau nipakarugia.