KAIMANGNGANG 6:25 - KITTA' MATANGKASA'

²⁵ ampassareangi mae ri Harun siagang ana'-ana'na anne paratorang-paratoranga ri passala'na koro'bang pammopporang dosaya. Olo'-olo' untu' koro'bang nipammopporanna dosaya musti nisamballei ri tampa' pammolongang untu' koro'bang nitunua. Anjo koro'banga teai sipato' tangkasa'na.

KAIMANGNGANG 6:25 ပူးပေါင်းရင်းမြစ်များ

YEHEZKIEL 42:13

Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.

KAIMANGNGANG 1:11

Anjo taua musti nasamballei anjo olo'-oloka ri bageang warakkanna anjo tampa' pakkoro'bangnganga; nampa imang-imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 1:5

Nampa anjo sapia musti nisamballei ri dallekang pakke'bu'na Kemaya. Cera'na musti napassareangi sikamma imang jari-jarina Harun mae ri Batara, nampa napatiri' anjo ceraka mae ri appaka sa'rinna anjo tampa' pakkoro'bangnganga ri dallekang pakke'bu'na Kemaya.

KAIMANGNGANG 21:22

Mingka akkullei nakanre kanre nipassareanga, baji' koro'bang kanre-kanreang matangkasaka kammayatompa koro'bang kanre-kanreang sannaka matangkasa'na.

KAIMANGNGANG 4:24

Musti napadongkoki limanna irate ri tompo' ulunna anjo olo'-oloka, nampa nasamballe anjoreng ri bageang wara'na tampa' pakkoro'bangnganga, tampa' pammolonganna olo'-olo' untu' koro'bang nitunua.

KAIMANGNGANG 4:29

Musti napadongkoki limanna ri tompo' ulunna anjo olo'-oloka, nampa nasamballe ri bageang wara'na tampa' pakkoro'bangnganga ri tampa' pammolonganna olo'-oloka untu' koro'bang nitunua.

KAIMANGNGANG 6:24

Batara Nasuroi Musa

KAIMANGNGANG 6:29

Sikamma tu bura'nea lalang ri kaluargana imang-imanga akkullei nakanre anjo koro'bang sannaka tangkasa'na.

KAIMANGNGANG 7:7

Untu' koro'bang pammopporang dosaya siagang koro'bang passambe karugianga sangkammai paratoranna, iamintu: Dageng olo'-olo' nikoro'bangkanga iami bageanna imang tugasaka ampassareangi anjo koro'banga.