KAIMANGNGANG 6:2 - KITTA' MATANGKASA'

^2-3 Se'rea tau musti assarei koro'bang punna dorakai mae ri Batara, lanri tenana naero' ampoterangi apa-apa nabolika paranna tau mae ri ia, yareka natipui paranna tau, yareka nalukkaki barang-baranna, yareka nabuntulu'mi anjo baranga mingka assassalaki nassumpa.

KAIMANGNGANG 6:2 ပူးပေါင်းရင်းမြစ်များ

PA'JARIANG 26:7

Ri wattunna akkuta'nang taua anjoreng ri passala'na Ribka, appialimi Ishak angkanaya andi'na anjo Ribka, teai bainenna. Mallaki Ishak angkanaya lanibunoi ri yangaseng anjo taua sollanna akkulle naalle anjo Ribka sannaka ga'gana.

PAMMUJI 51:4

Kibissai sikontu kaja'dallangku; Kitangkasia' battu ri dosaku.

PANGNGEBARANG 24:28

Teako a'jari sa'bi mae ri tau maraenga punna tena siratang alasannu; teako a'balle-ballei ri passala'na anjo taua.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 24:16

Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YEREMIA 9:5

Yangasenna massing sitipu-tipui, tenamo a'bicara lambusu'. Biasami bawana a'balle-balle, tanakulleai ambokoi dosana. Tuli kapallakkang, tuli pannipuang nagaukanga tojeng ke'nanga, nasorongboko tojemmi ke'nanga Batara.

YEHEZKIEL 40:46

nampa los a'dalle' waraka nipasadiakangi sikamma imang tugasaka ri tampa' pakkoro'bangnganga. Sikontu anjo imanga musti tau battu ri jari-jarina Zadok. Nasaba' battu ri suku Lewi poro jari-jarinaji bawang Zadok akkulle andallekang ri Batara untu' allayani ri Ia lalang ri wattu ibadana taua.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 19:11

Teako a'lukakki, annipui yareka a'balle-ballei.

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

KAIMANGNGANG 5:19

Iaminjo koro'bang sambe karugiang untu' kasalanna anjo taua mae ri Batara.

KAIMANGNGANG 6:1

Napassareangi Batara mae ri Musa anne paratorang-paratoranga.

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

LAMPA-LAMPANA 5:4

Anjo tanaya ikau pata ri wattunna tenapa nubalukangi. Na ri wattunna le'ba' nubalukang anjo tanaya, anjo doe' ballinnaya, ikau tonji pole pata. Jari angngapa nania' lalang ri atinnu ero' appanggaukang kammaya anjo? Teai rupataua nuballe-ballei, mingka Allata'ala!”

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.