KAIMANGNGANG 6:19 - KITTA' MATANGKASA'

¹⁹ Napassareangi Batara mae ri Musa anne paratorang-paratoranga,

KAIMANGNGANG 6:19 ပူးပေါင်းရင်းမြစ်များ

KALAPPASSANG 29:2

Apparekko leokang battu ri tarigu kaminang bajika tenaya nammake pa'gambang. Sipa'gang anjo leokanga musti nipareki roti siagang minynya' zaitun, sipa'gang maraenga tena nammake minynya', nampa la'binna nipareki kanrejawa nisapua siagang minynya'.

YEHEZKIEL 42:13

Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.

KAIMANGNGANG 10:18

Cera'na anjo bembea tena nierangi mange ri KemaNa Batara; jari mustina anjo koro'banga nukanrei anjoreng sangkamma kuparentakanga.”

KAIMANGNGANG 6:18

Untu' satunggu-tungguna sikamma bura'ne jari-jarina Harun akkullei nakanre anjo rotia; iaminjo bageang attantuna ke'nanga battu ri kanre-kanreang nipassareanga mae ri Batara. Tau maraenga punna naseroi anjo kanre le'bakamo nikoro'bangkang, langgappai bala lanri koasa katangkassanna anjo koro'banga.

KAIMANGNGANG 6:20

iamintu ri passala'na koro'banga punna nilanti' jari-jarina Harun a'jari imang. Ri allo wattunna nilanti', musti assarei sikilo labu' gandung mae ri Batara. Bageruanna musti napassareangi ri wattu bari'basa', na sesanna ri wattunna karueng.

KAIMANGNGANG 6:9

ampassareangi mae ri Harun siagang ana'-ana'na anne paratorang-paratoranga ri passala'na yangaseng koro'bang nitunua. Imanga musti napadongkoki koro'bang nitunua irate ri tampa' koro'banga siagang naboli' sipattang, na musti tuli a'rinrai pepe'na.

PAMMILANGNGANG 18:27

Anjo passare nisa'laka musti nibilang sangkammai siagang passare gandung berua siagang anggoro' berua.

PAMMILANGNGANG 18:9

Battu ri passare kaminang matangkasa' tenaya nitunui irate ri tampa' pakkoro'bangnganga, anne kammaya anne untu' ikau: Koro'bang nipatala, koro'bang pammopporang dosa, siagang koro'bang passambe karugiang. Yangasenna anjo sikammaya passare matangkasa' a'jaria bageannu siagang bageanna sikamma ana'nu.