KAIMANGNGANG 5:17 - KITTA' MATANGKASA'

¹⁷ Punna nia' tau tena nakunjungi anggaukangi dosaya lanri nadakkaina kalase'renna parentaNa Batara, anjo taua salai siagang musti natanggongi kodina anjo kasalanna.

KAIMANGNGANG 5:17 ပူးပေါင်းရင်းမြစ်များ

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

KAIMANGNGANG 4:13

Punna ia dorakaya iamintu sikontu umma' Israel, lanri tenana nakunjungi andakkai kalase'renna parentaNa Batara,

KAIMANGNGANG 4:22

Punna anjo tudorakaya iamintu tau anna'galaka koasa lanri tenana nakunjungi andakkai kalase'renna parentaNa Batara,

KAIMANGNGANG 4:27

Punna nia' sitau ra'ya' biasa a'gau' dosa lanri tena nakunjungi andakkai kalase'renna parentaNa Batara,

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

KAIMANGNGANG 5:18

Untu' koro'bang sambe karugiang musti angngerangi anjo taua sikayu gimbala' laki yareka bembe laki ia tenaya callanna siagang nitassereka anggaranna situru' anggarang nipakea ri KemaNa Batara. Imanga nakoro'bangkangi anjo passarea untu' pannangkasina dosana anjo taua, na lanipammopporang ri Batara.

KAIMANGNGANG 5:19

Iaminjo koro'bang sambe karugiang untu' kasalanna anjo taua mae ri Batara.

LUKAS 12:48

Mingka inai-nai palayang tangngassengai ero'na karaenna, nampa nia' kasalang nagaukang sa'genna musti nicambo', latenaja nasanna' dudu nicambo'. Nasaba' inai-nai le'ba' nisare jai, lajai tongi nipappalakkiangi. Na inai-nai jai nipappirannuang ri kalenna, lajai tongi nituntu' battu ri kalenna.”

ROMA 14:23

Mingka inai-nai bata-bata angkanrei apa-apaya, nakamma nakanrena tonja anjo apa-apaya, iami lanipasala ri Allata'ala, nasaba' teai lanri tappa'na ri apa annabaya siagang salaya nappanggaukang anjo taua. Na apa-apa mamo nigaukang tena nasiagang tappa', sala ngasengi.