KAIMANGNGANG 5:15 - KITTA' MATANGKASA'

¹⁵ Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

KAIMANGNGANG 5:15 ပူးပေါင်းရင်းမြစ်များ

2 KARAENG-KARAENG 12:16

Doe' battua ri koro'bang sambe karugiang siagang battu ri koro'bang pammopporo' dosa tena nanipantamaki ri anjo pattia. Anjo doe' kammaya nipassareangi mae ri imang-imanga.

EZRA 10:19

A'janjimi ke'nanga lantallaki bainenna ke'nanga, nampa assare passare gimbala' laki untu' koro'bang pammopporang dosana ke'nanga.

KALAPPASSANG 30:13

Tunggala' tau amminawanga nibilang lalang anjo pammilangnganga, musti a'bayaraki situru' anggaranna doeka ri KemaKu, untu' a'jari sumbangang nisa'laka untu' iNakke.

YEHEZKIEL 40:39

Ri anjo kamara' lompoa, nia' appa' mejang, ta'ruai ri sa'rinna. Irate ri anjo mejanga nipolong olo'-olo' koro'bang nitunua, yareka koro'bang pannangkasi dosaya yareka koro'bang untu' sambe karugiang.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 14:12

Imanga musti angngallei sikayu ana' gimbala' lakia sumpaeng siagang anjo minynya' zaitun bage tallunna silitereka, untu' a'jari koro'bang passambe karugiang, nampa napassareang salaku passare nipappicinikang mae ri Batara.

KAIMANGNGANG 27:3

situru' anggaranna doe' nipakea ri KemaNa Batara; – irateanna umuru' 60 taung: bura'ne & 15 doe' pera' baine & 10 doe' pera' – 20 taung sa'genna 60 taung: bura'ne & 50 doe' pera' baine & 30 doe' pera' – 5 taung sa'genna 20 taung: bura'ne & 20 doe' pera' baine & 10 doe' pera' – rawangngang 5 taung: bura'ne & 5 doe' pera' baine & 3 doe' pera'

KAIMANGNGANG 4:2

ampa'la'bangi napau mange ri tu Israel angkanaya inai-nai tena nasangajakki a'gau' dosa lanri nadakkai kalase'renna parentaNa Batara, musti nipinawangi anne paratoranga.

KAIMANGNGANG 5:14

Napassareangi Batara mae ri Musa anne paratorang-paratoranga.

KAIMANGNGANG 5:16

Anjo taua musti nabayaraki apa nakaluppaia riolo, nampa nitambai ruampulo parseng. Nampa musti napassareang anjo olo'-oloka mae ri imanga, nampa nakoro'bangkang imanga anjo olo'-oloka untu' pannangkasina dosana anjo taua, na lanipammopporang dosana ri Batara.

KAIMANGNGANG 5:18

Untu' koro'bang sambe karugiang musti angngerangi anjo taua sikayu gimbala' laki yareka bembe laki ia tenaya callanna siagang nitassereka anggaranna situru' anggarang nipakea ri KemaNa Batara. Imanga nakoro'bangkangi anjo passarea untu' pannangkasina dosana anjo taua, na lanipammopporang ri Batara.

KAIMANGNGANG 6:6

Untu' koro'bang sambe karugiang anjo taua musti assarei sikayu gimbala' laki yareka bembe laki ia tenaya callanna siagang nitassereka ballinna situru' balliang nipakea ri KemaNa Batara.

KAIMANGNGANG 7:1

Iaminne paratorang-paratorang ri passala'na koro'bang passambe karugianga. Anjo koro'banga teai sipato' tangkasa'na.

KAIMANGNGANG 7:6

Sikamma tu bura'nea lalang ri kaluargana imang-imanga akkullei nakanre anjo dageng koro'banga, mingka musti nakanrei ke'nanga ri tampa' le'baka nipattantu, nasaba' anjo koro'banga teai sipato' tangkasa'na.

PAMMILANGNGANG 5:5

Napassareangi Batara mae ri Musa

PAMMILANGNGANG 5:8

Punna matemo anjo tau napakarugia siagang tena bija pammanakang ma'reppese'na, anjo pappasuluka musti nipassareangi mae ri Batara, siagang a'jari bageannami imanga. Anjo pappasuluka tantamakkapi gimbala' lakia untu' upacara pannangkasi dosana anjo tau kasalanga.

PAOLE 12:26

Sikontu koro'banga siagang passare le'baka nupa'janjiang mae ri Batara, musti nuerangi mange ri tampa' Napilea Batara.

1 SAMUEL 6:3

Appialimi ke'nanga angkana, “Anjo Patti ParjanjianNa Allata'alana Israel, teako poterang bawangngi, mingka musti nipirurungi hadia untu' antangkasi dosa-dosanu. Lalang kammana anjo nulanipakabaji' battu ri garrinnu, siagang lanuassemmi angkanaya apa saba'na natuli Nahukkungko Allata'alana Israel.”