KAIMANGNGANG 5:13 - KITTA' MATANGKASA'

¹³ Kammaminjo carana nipassareang koro'banga untu' dosana anjo taua, na lanipammopporang dosana ri Batara. La'binna anjo labuka iaminjo a'jari bageanna imanga, sangkamma ri koro'bang gandunga.

KAIMANGNGANG 5:13 ပူးပေါင်းရင်းမြစ်များ

HOSEA 4:8

A'jari kalumanynyangko lanri dosana ummakKu, lanri kammana anjo erokko angkellai sollanna tulusu' doraka ke'nanga.

KAIMANGNGANG 2:10

La'binnaya, iaminjo bageanna sikamma imanga. Anjo rotia teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 2:3

La'binna anjo koro'bang nipatalaya iaminjo bageanna sikamma imanga. Anjo koro'banga teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 4:20

Ia carana sangkammai passare sapi laki nipassareanga untu' nipammopporanna dosaya. Kammaminjo carana Imang Lompoa ampassareangi koro'banga untu' nipammopporanna dosa-dosana ummaka, na nipammopporammo anjo dosa-dosaya ri Batara.

KAIMANGNGANG 4:26

Nampa sikontu jannana anjo olo'-oloka musti nitunui irate ri tampa' pakkoro'bangnganga, sangkamma nigaukanga ri koro'bang passiamakkanga. Kammaminjo carana imanga ampassareangi koro'banga untu' dosana se'rea tau anna'gala' koasa, na nipammopporammo dosana anjo taua ri Batara.

KAIMANGNGANG 4:31

Sikontu jannana anjo olo'-oloka musti niallei sangkamma todong nigaukanga ri koro'bang passiamakkanga. Anjo jannaya musti natunui imanga irate ri tampa' pakkoro'bangnganga, sollanna rasanna napakasannangi nyawaNa Batara. Kammaminjo carana imanga ampassareangi koro'banga untu' dosana se'rea ra'ya' biasa, na nipammopporammo dosana anjo taua ri Batara.

KAIMANGNGANG 5:10

Le'baki anjo napassareang tongi imanga anjo jangang-jangang makaruaya untu' koro'bang nitunu, situru' paratoranga. Kammaminjo carana imanga ampassareangi koro'banga untu' antangkasi dosana anjo taua, na nipammopporang ri Batara.

KAIMANGNGANG 5:12

Anjo labuka musti nierangi mange ri imanga. Imanga musti naallei sikangkang anjo labuka a'jari pammatei angkanaya le'ba'mi napassareang ngaseng anjo koro'banga mae ri Batara. Anjo labu' sikangkanga musti nitunui irate ri tampa' koro'banga salaku koro'bang kanre-kanreang. Iaminjo koro'banna sollanna nipammopporang dosana.

KAIMANGNGANG 5:14

Napassareangi Batara mae ri Musa anne paratorang-paratoranga.

KAIMANGNGANG 5:16

Anjo taua musti nabayaraki apa nakaluppaia riolo, nampa nitambai ruampulo parseng. Nampa musti napassareang anjo olo'-oloka mae ri imanga, nampa nakoro'bangkang imanga anjo olo'-oloka untu' pannangkasina dosana anjo taua, na lanipammopporang dosana ri Batara.

KAIMANGNGANG 5:4

Punna nia' tau anggaukangi kasalanga lanri assumpa sambarangangi untu' anggaukangi apa-apaya, nampa ri boko nasadari anjo kasalanna.

KAIMANGNGANG 5:5

Untu' sikamma anjo kasalang kammaya, parallui naakui taua kasalanna.

KAIMANGNGANG 5:6

Na untu' antangkasi anjo dosana, musti angngerangi anjo taua sikayu gimbala' yareka bembe gana untu' napassareang mae ri Batara. Imanga musti napassareangi anjo koro'banga sollanna nipammopporang dosana anjo taua.

KAIMANGNGANG 7:6

Sikamma tu bura'nea lalang ri kaluargana imang-imanga akkullei nakanre anjo dageng koro'banga, mingka musti nakanrei ke'nanga ri tampa' le'baka nipattantu, nasaba' anjo koro'banga teai sipato' tangkasa'na.

1 KORINTUS 9:13

Tantu nuassemmi angkanaya inai-nai anjama lalang ri Balla'Na Allata'ala, battu anjoremmi ri Balla'Na Allata'ala anggappa kanre ke'nanga. Siagang inai-nai angngurusuki tampa' pakkoro'bangnganga, anggappa tongi bageang battu ri anjo koro'bang nipassareanga anjoreng.

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.