KAIMANGNGANG 5:11 - KITTA' MATANGKASA'

¹¹ Punna tena pakkullena anjo tau kasalanga appasadia sipasang bukkuru' yareka jangang-jangang bodobangkeng untu' koro'bang nipammopporanna dosaya, musti angngerangi sikilo labu'. Anjo labuka takkulleai nipasileo' siagang minynya' zaitun yareka nipasierang kamanynyang, nasaba' anjo koro'banga iamintu koro'bang nipammopporanna dosaya, teai koro'bang nipatala.

KAIMANGNGANG 5:11 ပူးပေါင်းရင်းမြစ်များ

KALAPPASSANG 16:18

Ri wattunna nalitere' ke'nanga, a'nassami angkanaya tau jaia napasse're tena nakala'biang, siagang tau sike'deka napasse're tena nakakurangang. Massing appasse'rei ke'nanga situru' siapa jaina naparalluanga.

KALAPPASSANG 16:36

Ukkurang biasaya napake taua anjo jammanga, nia' ruampulo litere' bonena.)

KAIMANGNGANG 1:14

Punna jangang-jangang anjo napassareanga, musti bukkuru' yareka jangang-jangang bodobangkeng rungkaya.

KAIMANGNGANG 12:8

Punna tena pakkullena anjo bainea appasadia sikayu ana' gimbala', musti angngerangi ruang kayu jangang-jangang bodobangkeng yareka bukkuru' rungka: sikayu untu' koro'bang nitunu na sikayu untu' koro'bang pammopporang dosa. Imanga musti nagaukangi upacaraya untu' antangkasi kara'massanna anjo bainea, sa'genna a'jari tangkasa'.

KAIMANGNGANG 14:21

Punna kasi-asi anjo taua siagang tena pakkullena, akkullei angngerang sikayumo bawang ana' gimbala' laki untu' koro'bang passambe karugiang, a'jari koro'bang nipatala mae ri Batara. Pantaranganna anjo sikilo labu' nipasileoka siagang minynya' zaitun untu' koro'bang nipatala, siagang bage tallunna silitereka minynya' zaitun.

KAIMANGNGANG 27:8

Punna anjo tau attinjaka kasi-asi dudui untu' ambayaraki anggarang le'baka nipattantu, musti naerangi anjo tau eroka napassareang ri Batara mae ri imanga. Imanga musti napanaungi anggaranna situru' pakkullenna anjo taua.

KAIMANGNGANG 5:12

Anjo labuka musti nierangi mange ri imanga. Imanga musti naallei sikangkang anjo labuka a'jari pammatei angkanaya le'ba'mi napassareang ngaseng anjo koro'banga mae ri Batara. Anjo labu' sikangkanga musti nitunui irate ri tampa' koro'banga salaku koro'bang kanre-kanreang. Iaminjo koro'banna sollanna nipammopporang dosana.

KAIMANGNGANG 5:6

Na untu' antangkasi anjo dosana, musti angngerangi anjo taua sikayu gimbala' yareka bembe gana untu' napassareang mae ri Batara. Imanga musti napassareangi anjo koro'banga sollanna nipammopporang dosana anjo taua.

KAIMANGNGANG 5:9

Cera'na anjo jangang-janganga musti niparacciki mae ri sa'rinna tampa' pakkoro'bangnganga, nampa la'binna nipaccoki assulu' ri dapara'na tampa' pakkoro'bangnganga untu' a'jari koro'bang pammopporang dosa.

KAIMANGNGANG 6:20

iamintu ri passala'na koro'banga punna nilanti' jari-jarina Harun a'jari imang. Ri allo wattunna nilanti', musti assarei sikilo labu' gandung mae ri Batara. Bageruanna musti napassareangi ri wattu bari'basa', na sesanna ri wattunna karueng.

PAMMILANGNGANG 5:15

Lalang ruaya anjo passala', anjo bura'nea musti naerangi bainenna mange ri imanga. Musti angngerang tongi passare niparalluanga, iamintu sikilo labu' gandung. Anjo labuka takkulleai nitiriki minynya' zaitun yareka takkulleai nisarei dupa, lanri anjo passarea iamintu lanri bata-bata siagang a'jari pammatei angkanaya nia' bata-batana tu bura'nea mae ri bainenna.

LUKAS 2:24

Ero' tommi ke'nanga mange assare koro'bang, iamintu sipasang jangang-jangang bukkuru', yareka ruang kayu jangang-jangang bodobangkeng rungkaya, situru' apa le'baka nipattantu lalang ri Hukkung Napassareanga Batara.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

IBRANI 9:22

Kammami anjo pangngatorang agamana tu Yahudia, angkanaya yangaseng-ngasenna parallui nitangkasi siagang cera'; kammayatompa iapa nakkulle nipammopporang dosaya punna nia' cera' tassolong.