KAIMANGNGANG 4:6 - KITTA' MATANGKASA'

⁶ Nampa musti najallakkang karemenna antama' ri anjo ceraka siagang naparacci' pintuju ri dallekanna gordeng passimbanna Kamara' Matangkasaka.

KAIMANGNGANG 4:6 ပူးပေါင်းရင်းမြစ်များ

KALAPPASSANG 40:21

Nampa naboli' anjo Pattia lalang ri Kemaya siagang nagentungi gordeng passimbang ri dallekanna, situru' parentaNa Batara mae ri ia.

KALAPPASSANG 40:26

Napadongkoki tampa' pattunuang dupa bulaenga lalang ri Kemaya, ri dallekanna kaenga,

KAIMANGNGANG 14:16

Le'baki anjo najallakkammi karemeng lima kananna antama' ri minynyaka, siagang naparacci' pintuju antama' ri KemaNa Batara.

KAIMANGNGANG 14:18

La'binnaya minynyaka musti nipatiriki irate ri ulunna anjo taua. Kammaminjo nanagaukammo imanga upacara pannangkasia mae ri anjo taua ri dallekanNa Batara.

KAIMANGNGANG 14:27

nampa naparacci' siagang lima kananna anjo minynyaka pintuju lalang ri KemaNa Batara.

KAIMANGNGANG 14:7

Imanga musti napiracciki anjo tau ammolleamo siagang cera'na anjo jangang-janganga sa'genna pintuju; le'baki anjo nibilang tangkasa'mi anjo taua.

KAIMANGNGANG 16:14

Nampa musti angngalle Harun sike'de' cera'na anjo sapia, nampa napiracciki siagang karemenna bageang dallekanna pa'rangka' Patti Parjanjianga siagang pintuju mae ri dallekanna Pattia.

KAIMANGNGANG 16:19

Naparacciki sike'de' anjo ceraka siagang karemenna sa'genna pintuju mange ri rateanna anjo tampa' pakkoro'bangnganga. Kammaminjo carana ampakatangkasaki tampa' pakkoro'bangnganga battu ri kara'massanna bansa Israel sollanna a'jari tangkasa'.

KAIMANGNGANG 25:8

Rekengi pintuju tattuju taung, iamintu patampulo assalapang taung jaina.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

KAIMANGNGANG 4:17

Anjoreng musti najallakkangi karemenna antama' ri anjo ceraka nampa napiracciki sa'genna pintuju ri dallekanna gordeng passimbanna Kamara' Matangkasaka.

KAIMANGNGANG 4:25

Imanga musti najallakkangi karemenna antama' ri cera'na anjo olo'-oloka nampa napasapu mae ri tanru'-tanru' niaka ri sikamma panyingkulu'na tampa' pakkoro'bangnganga siagang napatiri' la'binna antama' ri dapara'na tampa' pakkoro'bangnganga.

KAIMANGNGANG 4:30

Imanga musti najallakkangi karemenna antama' ri cera'na anjo olo'-oloka, nampa napasapu mae ri tanru'-tanru' niaka ri sikamma panyingkulu'na tampa' pakkoro'bangnganga, siagang napatiri' la'binna antama' ri dapara'na tampa' pakkoro'bangnganga.

KAIMANGNGANG 4:34

Imanga musti najallakkangi karemenna antama' ri anjo cera' olo'-oloka, nampa napasapu ri tanru'-tanru' niaka ri sikamma panyingkulu'na tampa' pakkoro'bangnganga, siagang napatiri' la'binna naung ri dapara'na tampa' pakkoro'bangnganga.

KAIMANGNGANG 8:11

Anjo minynyaka niparacciki sike'de' pintuju irateanna anjo tampa' pakkoro'bangnganga siagang sikontu pakkakasa'na, kammayatompa mae ri rateanna ba' je'neka siagang dapara'na. Lanri kammana anjo nanisa'la' ngasemmo anjo apa sikammaya untu' Batara.

KAIMANGNGANG 8:15

Nampa nasamballe Musa siagang naalle sipa'gang cera'na anjo olo'-oloka. Anjo ceraka napasapui siagang karemenna mae ri tanru'-tanru' niaka ri sikamma panyingkulu'na tampa' pakkoro'bangnganga, sollanna nitangkasi anjo tampa' pakkoro'bangnganga untu' Allata'ala. La'binna anjo ceraka napatiriki naung ri dapara'na tampa' pakkoro'bangnganga. Kammaminjo carana nitangkasi anjo tampa' pakkoro'bangnganga siagang nisa'la' untu' Batara.

KAIMANGNGANG 9:9

Ana'-ana'na Harun ampabattui cera'na anjo sapia mae ri Harun, nampa ia anjallakkangi karemenna antama' ri anjo ceraka, siagang ampasapui anjo ceraka mae ri tanru'-tanru' niaka ri appaka panyingkulu'na anjo tampa' pakkoro'bangnganga. Le'baki anjo, la'binna ceraka napatiriki antama' ri dapara'na tampa' pakkoro'bangnganga.

PAMMILANGNGANG 19:4

Nampa musti angngalle Eleazar sike'de' cera'na anjo olo'-oloka siagang naparacci' pintuju mae ri KemaNa Batara.

YOSUA 6:4

Tuju imang, massing angngerang tarompe' musti a'jappa ri dallekanna Patti Parjanjianga. Ri makatujuna alloa, ikau siagang tantaranu musti nuinroi anjo kotaya pintuju nampa sikamma imanga natui' ngasengi tarompe'na.

YOSUA 6:8

Situru' parentana Yosua, a'jappami barisang pangawala' ri dallekanga, iamintu ri dallekanna sikamma imang-imang patui' tarompeka, nipinawang ri imang-imang a'buleka Patti Parjanjianga, nampa nitongko' ri barisang pangawala' kaminang ri bokoa. Lalang a'jappana ke'nanga, nipasa'ra turusmi tarompeka.