KAIMANGNGANG 4:5 - KITTA' MATANGKASA'

⁵ Sipa'gang cera'na musti nierangi antama' ri Kemaya.

KAIMANGNGANG 4:5 ပူးပေါင်းရင်းမြစ်များ

KAIMANGNGANG 16:14

Nampa musti angngalle Harun sike'de' cera'na anjo sapia, nampa napiracciki siagang karemenna bageang dallekanna pa'rangka' Patti Parjanjianga siagang pintuju mae ri dallekanna Pattia.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 16:19

Naparacciki sike'de' anjo ceraka siagang karemenna sa'genna pintuju mange ri rateanna anjo tampa' pakkoro'bangnganga. Kammaminjo carana ampakatangkasaki tampa' pakkoro'bangnganga battu ri kara'massanna bansa Israel sollanna a'jari tangkasa'.

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

KAIMANGNGANG 6:23

Tunggala' koro'bang nipatalaya, ia napassareanga imanga musti nitunu ngasengi, manna sike'de' takkulleai nikanre.

PAMMILANGNGANG 19:4

Nampa musti angngalle Eleazar sike'de' cera'na anjo olo'-oloka siagang naparacci' pintuju mae ri KemaNa Batara.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.