KAIMANGNGANG 4:24 - KITTA' MATANGKASA'

²⁴ Musti napadongkoki limanna irate ri tompo' ulunna anjo olo'-oloka, nampa nasamballe anjoreng ri bageang wara'na tampa' pakkoro'bangnganga, tampa' pammolonganna olo'-olo' untu' koro'bang nitunua.

KAIMANGNGANG 4:24 ပူးပေါင်းရင်းမြစ်များ

2 KARAENG-KARAENG 12:16

Doe' battua ri koro'bang sambe karugiang siagang battu ri koro'bang pammopporo' dosa tena nanipantamaki ri anjo pattia. Anjo doe' kammaya nipassareangi mae ri imang-imanga.

2 PATTOTTORANG 29:23

Kala'busanna naallemi ke'nanga anjo sikamma bembea nampa naerang mae ri karaenga siagang ra'ya' sitabanga assambayang anjoreng, nampa massing napadongko' ngasemmi limanna ke'nanga ri tompo' ulunna anjo bembea.

KALAPPASSANG 29:38

“Tunggala' allo untu' satunggu-tungguna irate ri anjo tampa' pakkoro'bangnganga musti nikoro'bangkangi ruang kayu gimbala' umuru' sitaunga.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

KAIMANGNGANG 1:11

Anjo taua musti nasamballei anjo olo'-oloka ri bageang warakkanna anjo tampa' pakkoro'bangnganga; nampa imang-imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 1:4

Nampa musti napadongkoki limanna irate ri tompo' ulunna anjo olo'-oloka, na Natarimamo Batara anjo passarena untu' nipammopporang dosana.

KAIMANGNGANG 1:5

Nampa anjo sapia musti nisamballei ri dallekang pakke'bu'na Kemaya. Cera'na musti napassareangi sikamma imang jari-jarina Harun mae ri Batara, nampa napatiri' anjo ceraka mae ri appaka sa'rinna anjo tampa' pakkoro'bangnganga ri dallekang pakke'bu'na Kemaya.

KAIMANGNGANG 14:13

Anjo ana' gimbalaka musti nasamballei ri tampa' tassa'laka, iamintu tampa' le'bakamo nipattantu untu' pammolongang olo'-olo' koro'bang pammopporang dosa siagang koro'bang nitunu. Anjo gimbalaka musti nisamballei anjoreng lanri anjo koro'bang passambe karugianga siagang koro'bang pammopporang dosaya teai sipato' tangkasa'na siagang a'jari bageannai imanga.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 3:13

Anjoreng musti napadongkoki limanna ri tompo' ulunna anjo bembea nampa nasamballe ri dallekanna Kemaya. Imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 3:2

Anjo tau assarea musti napadongkoki limanna ri tompo' ulunna anjo olo'-oloka, nampa nasamballe ri dallekang pakke'bu'na KemaNa Batara. Imang-imang jari-jarina Harun musti napatiriki cera'na anjo sapia mae ri appaka sa'rinna anjo tampa' pakkoro'bangnganga.

KAIMANGNGANG 3:8

Anjoreng musti napadongkoki limanna ri tompo' ulunna anjo gimbalaka, nampa nasamballe ri dallekanna Kemaya. Nampa musti napatiri' imanga cera'na anjo gimbalaka mae ri appaka sa'rinna anjo tampa' pakkoro'bangnganga.

KAIMANGNGANG 6:18

Untu' satunggu-tungguna sikamma bura'ne jari-jarina Harun akkullei nakanre anjo rotia; iaminjo bageang attantuna ke'nanga battu ri kanre-kanreang nipassareanga mae ri Batara. Tau maraenga punna naseroi anjo kanre le'bakamo nikoro'bangkang, langgappai bala lanri koasa katangkassanna anjo koro'banga.

KAIMANGNGANG 6:22

Untu' satunggu-tungguna sikamma jari-jarina Harun nilantika a'jari Imang Lompo musti assarei koro'bang kammaya anjo. Yangasenna anjo koro'banga musti nitunui untu' passare mae ri Batara.

KAIMANGNGANG 6:25

ampassareangi mae ri Harun siagang ana'-ana'na anne paratorang-paratoranga ri passala'na koro'bang pammopporang dosaya. Olo'-olo' untu' koro'bang nipammopporanna dosaya musti nisamballei ri tampa' pammolongang untu' koro'bang nitunua. Anjo koro'banga teai sipato' tangkasa'na.

KAIMANGNGANG 7:2

Olo'-olo' untu' koro'banga musti nisamballei ri tampa' pammolongang untu' koro'bang nitunua, nampa nipatiri' cera'na ri appaka sa'rinna tampa' pakkoro'bangnganga.