KAIMANGNGANG 4:21 - KITTA' MATANGKASA'

²¹ Nampa anjo sapi lakia musti nierangi assulu' na nitunu ri pantaranganna pakkemaanga, sangkamma nigaukanga ri passare sapi lakia untu' koro'bang nipammopporanna dosana kallena anjo Imang Lompoa. Kammaminjo batena nipassareang koro'bang untu' nipammopporanna dosana ummaka.

KAIMANGNGANG 4:21 ပူးပေါင်းရင်းမြစ်များ

EZRA 8:35

Ri anjo todong alloa, sikontu anjo tau ammoterekamo battu ri pa'rasangang pammelakkanga, assaremi koro'bang nitunu untu' Allata'alana Israel. Assaremi ke'nanga 12 kayunna sapi laki untu' sikontu tu Israel, 96 kayunna gimbala' laki, siagang 77 kayunna ana' gimbala'; pantaranganna anjo nia' todong 12 kayunna bembe untu' koro'bang ri nipammopporanna dosana ke'nanga. Sikontu anjo olo'-oloka nitunui untu' koro'bang mae ri Batara.

KALAPPASSANG 29:14

Dagenna, kukkulu'na siagang parru' lolona anjo sapi lakia musti nitunui ri pantaranna kemaya. Iaminjo a'jari passare untu' nipammopporanna dosana sikamma imanga.

YEHEZKIEL 45:22

Ri allo makase'rea, patugasa' pamarentaya musti assarei sikayu sapi laki untu' koro'bang pannangkasi dosa mae ri kalenna siagang mae ri sikontu ra'yaka.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 16:21

Musti napadongkoki rua-rua limanna irate ri tompo' ulunna anjo bembea nampa naakui ngaseng sikontu kasalanna, dosana siagang gau' salana bansa Israel. Lanri kammana anjo nipalette' ngasemmi sikontu kasalanna bansa Israel mae ri ulunna anjo bembea. Nampa kalase'renna tau nisarea tugasa' musti nabongkai anjo bembea mange ri parang lompoa.

KAIMANGNGANG 16:27

Sapi lakia siagang bembea untu' koro'bang pammopporang dosa, ia nieranga cera'na antama' ri Kamara' Kaminang Matangkasa' untu' pammopporanna dosaya, musti nierangi assulu' ri pantarang pakkemaanga nampa nitunu. Kukkulu'na, dagenna siagang bone parru'na anjo ruaya olo'-olo', musti nitunu ngasengi.

KAIMANGNGANG 4:13

Punna ia dorakaya iamintu sikontu umma' Israel, lanri tenana nakunjungi andakkai kalase'renna parentaNa Batara,

KAIMANGNGANG 4:20

Ia carana sangkammai passare sapi laki nipassareanga untu' nipammopporanna dosaya. Kammaminjo carana Imang Lompoa ampassareangi koro'banga untu' nipammopporanna dosa-dosana ummaka, na nipammopporammo anjo dosa-dosaya ri Batara.

KAIMANGNGANG 6:11

Le'baki anjo musti nasambei pakeanna nampa naerang anjo aua assulu' battu ri kemaya, mae ri tampa' le'bakamo nipattantu untu' anjo.

KAIMANGNGANG 6:23

Tunggala' koro'bang nipatalaya, ia napassareanga imanga musti nitunu ngasengi, manna sike'de' takkulleai nikanre.

KAIMANGNGANG 8:17

Mingka dagenna sapia anjo, kukkulu'na, bone parru'na kammayami parru' lolona, jari sikontu anjo sapia pantaranganna anjo bageang-bageang le'bakamo nisa'la', nitunui ri pantaranna pakkemaanga situru' Naparentakanga Batara.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

IBRANI 13:11

Cera' olo'-olo' nipassareanga a'jari koro'bang untu' antangkasi dosaya, nierangi ri imang lompoa mange ri Kamara' Kaminang Matangkasaka; mingka kalenna anjo olo'-oloka nitunui ri pantaranganna kemaya.