KAIMANGNGANG 4:15 - KITTA' MATANGKASA'

¹⁵ Sikamma pamimping bansaya musti napadongkoki limanna ke'nanga ri tompo' ulunna anjo olo'-oloka, nampa nasamballe ri anjo tampaka.

KAIMANGNGANG 4:15 ပူးပေါင်းရင်းမြစ်များ

2 PATTOTTORANG 29:23

Kala'busanna naallemi ke'nanga anjo sikamma bembea nampa naerang mae ri karaenga siagang ra'ya' sitabanga assambayang anjoreng, nampa massing napadongko' ngasemmi limanna ke'nanga ri tompo' ulunna anjo bembea.

KALAPPASSANG 24:1

Nampa Nakana Batara ri Musa, “Naikko mae andallekang ri Nakke siagang Harun, Nadab, Abihu, siagang tujupulo pamimpinna bansaya, siagang su'jukko battu bella anynyomba mae ri Nakke.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 1:4

Nampa musti napadongkoki limanna irate ri tompo' ulunna anjo olo'-oloka, na Natarimamo Batara anjo passarena untu' nipammopporang dosana.

KAIMANGNGANG 16:21

Musti napadongkoki rua-rua limanna irate ri tompo' ulunna anjo bembea nampa naakui ngaseng sikontu kasalanna, dosana siagang gau' salana bansa Israel. Lanri kammana anjo nipalette' ngasemmi sikontu kasalanna bansa Israel mae ri ulunna anjo bembea. Nampa kalase'renna tau nisarea tugasa' musti nabongkai anjo bembea mange ri parang lompoa.

KAIMANGNGANG 4:16

Imang Lompoa musti naerangi sipa'gang cera'na anjo olo'-oloka antama' ri Kemaya.

KAIMANGNGANG 4:4

Anjo sapia musti nierangi mange ri pakke'bu' KemaNa Batara. Musti napadongkoki limanna Imang Lompoa ri tompo' ulunna anjo olo'-oloka, nampa nasamballe ri dallekanna Kemaya.

KAIMANGNGANG 8:14

Le'baki anjo angngallemi Musa sikayu sapi laki rungka untu' koro'bang pammopporang dosa. Harun siagang sikamma ana'na napadongkoki ke'nanga limanna ri tompo' ulunna anjo olo'-oloka.

KAIMANGNGANG 8:18

Nampa angngalle Musa gimbala' laki untu' koro'bang nitunu; na Harun siagang sikamma ana'na napadongkoki limanna ke'nanga ri tompo' ulunna anjo gimbalaka.

KAIMANGNGANG 8:22

Nampa naalle Musa gimbala' laki sikayua pole untu' koro'bang pallantikanna imanga. Harun siagang sikamma ana'na napadongkoki limanna ke'nanga ri tompo' ulunna anjo gimbalaka,

PAMMILANGNGANG 11:16

Nampa Nakanamo Batara mae ri Musa, “Passe'rei battu ri bansa Israel tujupulo tau toa, ia niania salaku pamimpinna bansaya. Erangi ke'nanga battu mae ri dallekangKu ilalang ri KemaKu, nampa suroi ke'nanga ammenteng anjoreng ri sa'rinnu.

PAMMILANGNGANG 11:25

Nampa naummo Batara lalang ri rammanga siagang A'bicarami mae ri Musa. Naallemi Batara sipa'gang anjo koasa Napassareanga mae ri Musa nampa Napassareang mae ri anjo tujupuloa pamimping. Anjo wattua naummi RohNa Batara mae ri ke'nanga. Nappakkaramulamo ke'nanga a'gora sangkamma na'bi, mingka tena nasallo.

PAMMILANGNGANG 8:10

Ummaka musti napadongkoki limanna ke'nanga irate ri tompo' ulunna tu Lewia,

PAMMILANGNGANG 8:12

Nampa tu Lewia musti napadongkoki limanna ke'nanga irate ri tompo' ulunna anjo ruaya sapi laki; anjo sikayua musti nipassareangi untu' koro'bang pammopporang dosa, nampa anjo sikayua pole untu' koro'bang nitunu. Kammaminjo upacarana nanitangkasi tu Lewi.